Samfélagsmiðlar

Ætla að minnka bilið enn frekar í september

Flugvöllurinn í Kaupmannahöfn en þangað gerir Icelandair ráð fyrir flestum ferðum í september.

Umferðin um Keflavíkurflugvöll hefur aukist hratt í sumar og þar stendur Icelandair undir meirihluta ferðanna. Ef áætlun félagsins í næsta mánuði gengur eftir þá verða umsvif þess nær því sem var fyrir heimsfaraldur en verið hefur nú í sumar samkvæmt talningum Túrista.

Þannig er stefnt að því að þotur félagsins fljúgi að jafnaði 52 áætlunarferðir á sólarhring til og frá Keflavíkurflugvelli í september. Svo margar ferðir jafngilda 59 prósent af ferðafjöldanum á sama tíma árið 2019.

Til samanburðar þá var áætlun félagsins í júlí 44 prósent af því sem hafði verið á sama tíma í hittifyrra. Og það sem af er ágúst er Icelandair á hálfum afköstum.

Ef fram fer sem horfir verður ferðafjöldinn í september álíka og í þeim mánuði sem senn er á enda. Árið 2019 var ágúst hins vegar fjórðungi umsvifameiri hjá Icelandair en september.

Ferðafjöldinn er góður mælikvarði

Hér verður þó að hafa í huga að Túristi horfir aðeins til fjölda ferða í útreikningum sínum. Framboð flugfélaga er hins vegar mælt í flognum sætiskílómetrum en til að geta reiknað þá út þarf til dæmis upplýsingar hvað þotur verða nýttar í hverja ferð.

Fjöldi áætlunarferða gefur hins vegar mjög góða mynd af stöðunni. Þannig voru sætiskílómetranir hjá Icelandair í júlí rétt um 43 prósent af því sem var í hittifyrra. Einu prósentustigi minna en útreikningar Túrista fyrir þann mánuð sýndu.

Breytingar ekki útlokaðar

Spurð út í áform félagsins í september þá segir Ásdís Pétursdóttir, upplýsingafulltrúi Icelandair, að félagið hafi aukið umsvifin jafnt og þétt og þar með unnið sig í átt að eðlilegu árferði á ný.

„Við munum halda áfram á sömu braut svo lengi sem eftirspurnin stendur undir því,“ segir Ásdís.

Það er þó ekki hægt að horfa fram hjá því að Icelandair og fleiri flugfélög hafa þurft að gera töluverðar breytingar á áætlunum sínum og fella niður ferðir. Og Ásdís útilokar ekki breytingar.

„Við búumst við því að fljúga meirihluta af áætlun okkar í september en eins og undanfarin misseri gætu orðið smávægilegar breytingar í takt við stöðuna á faraldrinum og þær ferðatakmarkanir sem eru í gildi á hverjum tíma.“

Nýtt efni

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …