Samfélagsmiðlar

Hætta við að gera langt hlé á Íslandsfluginu

Fjöldi svissneskra ferðamanna hér á landi yfir vetrarmánuðina þrefaldaðist þegar easyJet hóf að fljúga til Keflavíkurflugvallar frá Basel og Genf. Einu flugsamgöngurnar sem eru í boði milli Íslands og Sviss í dag eru aftur á móti ferðir Icelandair til Zurich. Farþegar á þeirri flugleið munu þó hafa úr meiru að moða innan skamms.

Stjórnendur flugfélagsins Edelweiss hafa nefnilega ákveðið að hefja flug til Íslands á ný í desember í stað þess að bíða fram á næsta sumar líkt og ætlunin var. Síðasta flug sumarvertíðar Edelweiss hér á landi í ár var á dagskrá síðastliðinn laugardag og að sögn talsmanns flugfélagsins þá stóð útgerðin undir væntingum.

Laugardaginn 18. desember verður þráðurinn því tekinn upp að nýju og flogið verður vikulega milli Íslands og Zurich fram á vorið. Hversu tíðar ferðirnar verða næsta sumar liggur ekki fyrir.

Aðdragandinn að áætlunarflugi Edelweiss til Íslands í sumar var ekki langur líkt og Túristi fjallaði um á sínum tíma. Sala á fluginu hófst þremur vikum fyrir fyrstu brottför en þetta var jafnframt í fyrsta sinn sem Edelweiss flaug til Íslands á eigin vegum. Áður sá félagið einfaldlega um að ferja farþega ferðaskrifstofunnar Kontiki hingað til lands. Icelandair tók svo við þeim viðskiptum og í kjölfarið lögðust af ferðir Edelweiss til Íslands.

Niðurstaðan var engu að síður það góð að nú ætlar félagið að spreyta sig á vetrarflugi til Íslands.

Þess má geta að farþegar sem hefja ferðalagið á Íslandi geta ekki pantað miða á heimasíðu Edelweiss heldur þurfa á vef systurfélaganna Swiss eða Lufthansa. Það síðarnefnda verður sem fyrr með á boðstólum áætlunarflug til Íslands í vetur frá Frankfurt.

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …