Samfélagsmiðlar

Play hækkar farangursgjöldin

Þegar Play hóf að selja farmiða nú í vor þá þurfti að borga á bilinu 3.400 til 4.600 krónur fyrir að innrita hefðbundna ferðatösku í flug með félaginu. Nú hefur töskugjaldið hækkað og er 3.528 kr. á stystu flugleiðunum en 5.083 krónur á lengstu leiðunum.

Það bætast því rúmar tíu þúsund krónur við fargjaldið hjá Play til Tenerife og heim aftur ef farþegi vill taka með sér tösku.

Farþegar lágfargjaldafélagsins verða einnig að borga meira fyrir handfarangur í dag en áður eða að lágmarki 2.869 kr. og að hámarki 4.089 kr. Þeir sem kaupa þessa þjónustu fá að fara á undan öðrum farþegum um borð í þotur félagsins fyrir brottför.

Farþegar sem ferðast með handfarangurstöskur sem komast undir sætin borga ekki aukalega fyrir þær.

Hjá Icelandair er ekkert handfarangursgjald en aftur á móti þurfa þeir sem kaupa ódýrustu miðana, Economy Light, að borga 5.280 fyrir innritaðan farangur.

Spurð um skýringar á þessum hækkunum þá segir Nadine Guðrún Yaghi, samskiptastjóri Play, að breytingin liggi í verðstýringu á þessum svokölluðum hliðartekjum flugfélagsins. Gjöldin eru mismunandi eftir eftirspurn á hverjum tíma og hvenær er bókað og svo framvegis. Töskugjaldið til Alicante er þannig lægra í janúar og febrúar en á hánnatíma.

Uppfærsla: Svari Play hefur verið bætt við upprunalegu útgáfu fréttarinnar.

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …