Samfélagsmiðlar

Hundruðir frá Birmingham en fá sæti seldust í Íslandsferðir frá Leeds

Stjórnendur Jet2holidays voru sagðir hafa hætt við Íslandsflug næsta sumar vegna sóttvarnaraðgerða hér á landi. Það hefur hins vegar ekki fengið staðfest frá flugfélaginu og nú í vetur hefur félagið haldið ferðunum hingað áfram.

Breska ferðaskrifstofan Jet2holidays hefur síðustu mánuði boðið upp á Íslandsferðir frá sex breskum flugvöllum en eftirspurn var mjög ólík eftir því hvaðan var flogið.

Þannig komu hingað um átta hundruð ferðamenn með Jet2holidays frá Birmingham í nóvember samkvæmt tölum frá breskum flugmálayfirvöldum. Brottfarirnar frá Birmingham voru sjö og þar með hafa að jafnaði um sex af hverjum tíu sætum í ferðunum verið skipuð farþegum.

Frá Leeds flugu þotur Jet2Holidays tvær ferðir til Keflavíkurflugvallar í nóvember en aðeins 35 manns nýttu sér þennan valkost. Níu af hverjum tíu sætum í Íslandsferðirnar frá Leeds hefur því ekki selst. Frá East Midlands komu nærri tvöfalt fleiri farþegar en þar var aðeins ein brottför á boðstólum.

Eftirspurnin í Newcastle eftir ferðalagi til Íslands í nóvember var mun betri. Þaðan komu um 270 ferðamenn þó ferðirnar hafi aðeins verið tvær. Sætanýingin því um sjötíu prósent.

Þotur á vegum Jet2holidays flugu líka til Íslands frá Manchester og London en þá í samkeppni við önnur flugfélög. Þær tölur sem Túristi hefur undir höndum gefa ekki kost á sundurliðun eftir flugfélögum. Þar með er ekki hægt að sjá hversu margir nýttu sér ferðir Jet2holidays frá þessum tveimur borgum.

Þess má geta að Viðskiptablaðið sagði frá því í haust að stjórnendur Jet2holidays hafi ákveðið að hætta við Íslandsflug næsta sumar og hermdu heimildir blaðsins að sóttvarnaraðgerðir við íslensku landamærin væru ástæðan. Talsmenn félagsins hafa ekki viljað staðfesta þetta í svörum sínum við fyrirspurnum Túrista. En eins og rakið er hér að ofan þá hefur Jet2holidays haldið flugi sínu áfram nú í byrjun vetrar og er með fleiri ferðir á dagskrá eftir áramót.

Félagið hefur þó tekið úr sölu flug til Keflavíkurflugvallar næsta sumar en þá verður að hafa í huga að eftirspurn eftir Íslandsferðum frá Bretlandi er vanalega mun meiri á veturna en á sumrin. Í eðlilegu árferði komu hingað fleiri breskir ferðamenn í febrúar en samanlagt yfir sumarmánuðina þrjá.

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …