Gistinætur útlendinga eru víða um heim sá mælikvarði sem notaður er til að meta ganginn í ferðaþjónustunni. Það er nefnilega ekki einfalt að telja erlenda ríkisborgara við landamærin eins og gert er hér á landi.
Og nú liggja fyrir tölur frá Norðurlöndunum fimm um fjölda gistinátta útlendinga í september og október og þær leiða í ljós að samdrátturinn hér á landi og í Danmörku var töluvert minni en á hinum Norðurlöndunum.
Í heildina fækkaði gistinóttum útlendinga á hótelum um 31 prósent hér á landi í haust en um 32 prósent í Danmörku í samanburði við sama tíma árið 2019. Finnsk hótel fundu fyrir mun meiri niðursveiflu því þar fækkaði hótelnóttum erlendra ríkisborgara um sextíu prósent.
Í Noregi fækkaði gistingum útlendinga líka töluvert meira en hér á landi og þar með voru keyptar gistinætur á íslenskum hótelum fleiri en á þeim finnsku og norsku í haust. En hafa ber í huga að vægi innlendra gesta er miklu hærra hjá frændþjóðunum en hér á landi.
Þessi ólíka þróun milli landa gerir það að verkum að hlutdeild íslenska hótel á norræna hótelmarkaðnum fór úr upp í 17 prósent sem er aukning um þrjú prósentustig frá haustinu í hittifyrra eins og sjá má á neðra grafinu.
