Samfélagsmiðlar

Með 844 sæti til Tenerife í viku hverri

Orotava dalurinn á Tenerife

Það var fyrst í maí síðastliðnum sem Icelandair hóf áætlunarflug til Tenerife. Áður hafði félagið eingöngu flogið til spænsku eyjunnar fyrir íslenskar ferðaskrifstofur. Jafnvel þó bæði Wow Air og síðar Norwegian hafi haldið úti flugi þangað á eigin vegum.

Upphaflega gerði áætlun Icelandair aðeins ráð fyrir tveimur ferðum í viku til Tenerife, á miðvikudögum og laugardögum. Í haust bætti félagið hins vegar við tveimur brottförum í viðbót og eru þær líka á dagsrká þessa tvo daga. Þotur félagsins fljúga því af stað til Tenerife með tíu mínútna millibili á á miðvikudags- og laugardagsmorgnum.

Þessu hefur verið áframhaldið nú í vetrarbyrjun og nú gerir félagið ráð fyrir að halda uppteknum hætti fyrstu þrjá mánuði næsta árs. Og það sem meira er að nú er ætlunin að nota breiðþotur í helming ferðanna en Icelandair hefur ekki flogið svo stórum þotum til Tenerife nú í vetur.

Fyrstu mánuði næsta árs verða því sæti fyrir allt að 844 farþega í viku hverri í ferðum Icelandair til Tenerife.

Spurð hvort þessi eftirspurn eftir ferðum til Tenerife komi á óvart þá segir Ásdís Pétursdóttir, upplýsingafulltrúi Icelandair, að hún geri það ekki.

„Við höfum fundið að það er mikil uppsöfnuð ferðaþörf hjá fólki og virðast sólarfrí vera ofarlega á lista margra. Þar er Tenerife auðvitað frábær valkostur en við sjáum líka mikla eftirspurn til Orlando eftir að Bandaríkin opnuðu aftur,“ svarar Ásdís.

Hún ítrekar það sem áður hefur komið fram að Icelandair lagi framboð að eftirspurn á hverjum tíma. Fjölgun á flugferðum til Tenerife sé því í takt við þá stefnu.

Auk Icelandair þá býður Play upp á reglulegar ferðir til Tenerife og það gera líka ferðaskrifstofurnar Heimsferðir, Úrval-Útsýn, Sumarferðir og Plúsferðir. Þær þrjár síðarnefndu heyra allar undir Ferðaskrifstofu Íslands en gengið var frá kaupum þess fyrirtækis á Heimsferðum í lok síðasta árs. Samkeppniseftirlitið er ennþá með þann samruna til skoðunar.

Þú færð aðgang að öllum greinum Túrista í 30 daga fyrir 300 krónur með því að nota afsláttarkóðann „300″ þegar þú pantar áskrift. Í framhaldinu fullt mánaðarverð (2.650 kr.) en alltaf hægt að segja upp.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …