Samfélagsmiðlar

Næsta ár verður á pari við 2015

Framboð á flugi mun halda áfram að aukast á næsta ári en verður þó ekki í líkingu við það sem var fyrir heimsfaraldur.

Framboð á flugsætum mun aukast um nærri helming á næsta ári frá því sem verið hefur í ár. Þar með verður framboðið á heimsvísu álíka mikið og það var árið 2015 samkvæmt nýrri spá greiningafyrirtækisins Cirium. Til samanburðar þá stefnir í að umferðin í ár verði svipuð og árið 2006.

Innanlandsflugið verður þó búið að ná fullum bata í lok næsta árs að mati Cirium. Niðursveiflan þar hefur nefnilega verið mun minni en í alþjóðafluginu. Til marks um það þá hefur innanlandsflugið staðið undir um áttatíu prósent af flugframboðinu í ár samkvæmt útreikningum Cirium.

Stór hluti af umsvifum Icelandair snýr að flugi yfir Norður-Atlantshafið og þar ætlar Play sér líka stóra hluti. Á þessum markaði telur Cirium að framboðið árið 2023 verði sambærilegt við 2019. Sá fyrirvari er þó gerður við þessa spá að það sé í raun ekki hægt að rýna almennilega í stöðuna fyrr en farþegatölur fyrir nóvember og desember liggja fyrir. Ástæðan er sú að Bandaríkin opnuðu ekki landamæri sín gagnvart bólusettum Evrópubúum fyrr en 8. nóvember sl.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …