Samfélagsmiðlar

Ferðaþjónustan gæti þurft að treysta enn frekar á erlent vinnuafl

Ef fjöldi starfa í ferðaþjónustu verður álíka og fyrir heimsfaraldur gæti greinin þurft um átta þúsund nýja starfsmenn.

Hlutfall erlendra ríkisborgara í störfum í ferðaþjónustunni var hærra síðastliðið haust en það hefur nokkurn tíma verið eða 38 prósent.

Þetta kemur fram í nýrri skýrslu á vegum Ferðamálastofu sem unnin var í samstarfi við KPMG. Þar segir jafnframt að ef störf í ferðaþjónustu verði á nýjan leik jafn mörg og þau voru þegar mest lét þá þurfi atvinnugreinin um átta þúsund starfsmenn til viðbótar. Það eru hins vegar vísbendingar um að Íslendingar muni ekki fylla öll þessi störf eins og rakið er í úttekt Ferðamálastofu.

Skýringin er sú að fjöldi atvinnulausra nálgast nú hratt álíka fjölda og fyrir heimsfaraldurinn eða um tíu þúsund.

„Ef 10 þúsund atvinnulausra endurspeglar langtíma jafnvægi í fjölda atvinnulausra má draga þá ályktun að frekari fjölgun starfandi í ferðaþjónustu þurfi að koma erlendis frá,“ segir í úttektinni.

Ef þetta gengur eftir þá mun hlutfall útlendinga í starfsmannahópi ferðaþjónustunnar aukast enn frekar en nú er. Þrátt fyrir að vægi íslenskra starfsmanna sé lægra núna en það hefur verið.

Að manna störf í ferðaþjónustu á nýjan leik hefur reynst áskorun víða um heim síðustu misseri. Á Ítalíu, Frakklandi og Bandaríkjunum hefur ferðaþjónustufyrirtækjum og flugfélögum reynst erfitt að fá fólk til vinnu á ný. Skýringin liggur meðal annars í árstíðarsveiflum greinarinnar og launakjörum. Það er einnig staðreynd að margir starfsmenn í ferðþjónustu hafa söðlað um og hafið störf í öðrum geirum. Til að mynda hafa netverslunarrisar vestanhafs ráðið til sín fjölda starfsmanna í heimsfaraldrinum og í þeim hópi eru margir sem áður unnu hjá bandarískum flugfélögum og ferðaþjónustu þar í landi.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …