Samfélagsmiðlar

Icelandair hækkar eldsneytisálagið

Kaup á eldsneyti er stærsti kostnaðarliðurinn í rekstri flugfélaga að launum starfsmanna frátöldum.

Í byrjun vikunnar kynnti Play til sögunnar nýtt gjald sem á að vega upp á móti auknum kostnaði félagsins við kaup á þotueldsneyti. En verð á því hefur hækkað um ríflega helming frá því að félagið hóf áætlunarflug í lok júní í fyrra.

Þetta nýja eldsneytisgjald hjá Play nemur á bilinu 1.300 til 2.200 krónur þegar flogið er frá Keflavíkurflugvelli en á heimleiðinni er álagið reiknað í evrum og dollara er þá í mesta lagi um 4.500 krónur.

Hjá Icelandair hefur sérstakt eldsneytisálag lengi verið hluti af farmiðaverðinu en það hefur verið 4.600 krónur þegar flogið er til Evrópu en 8.100 kr. þegar farið er vestur um haf samkvæmt heimasíðu félagsins

Frá og með næsta föstudegi, 1. apríl, hækkar hins vegar álagið um helming og verður þá 6.900 krónur þegar flogið er til evrópskra áfangastaða og 12.300 kr. ef ferðinni er heitið til Norður-Ameríku. Þetta kemur fram í tilkynningum sem flugfélagið hefur sent ferðaskrifstofum hér heima og erlendis í dag.

Þar kemur fram að hópar sem staðfesta bókanir fyrir mánaðamótin fá ferðir sínar á áður uppgefnu verði. Hjá öðrum hækkar þá flugmiðinn um allt að fimm þúsund krónur ef ferðast á til Bandaríkjanna.

Sem fyrr segir hefur verð á þotueldsneyti hækkað mjög mikið og er í dag álíka hátt og það var árið 2014. Þá var eldsneytisgjaldið hjá Icelandair reyndar mun hærra eða 9.200 kr. í Evrópuflugi en 16.400 kr. í Ameríkuflugi.

Í byrjun árs 2016 var gjaldið svo helmingað og hefur verið óbreytt allar götur síðan. Á því verður þó breyting næsta föstudag.

Nýtt efni

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …