Samfélagsmiðlar

Besta mætingin hjá Þjóðverjum

Ferðamenn frá Bretlandi og Mið-Evrópu skiluðu sér til landsins í hlutfallslega mun meira mæli en ferðamenn frá Norður-Ameríku.

Það voru 101 þúsund erlendir farþegar sem innrituðu sig í flug á Keflavíkurflugvelli í mars en þessi talning er notuð til meta fjölda ferðamanna á landinu. Fjöldinn í síðasta mánuði jafnast á við 59 prósent af því sem var á sama tíma árið 2019. Heimturnar í síðasta mánuði voru nokkru betri en í janúar og febrúar.

Ennþá eru ferðamenn frá Asíu þó að mestu fjarverandi og til marks um það var fjöldi kínverskra ferðamanna rétt um fimmtungur af því sem var í mars 2019. Gera má ráð fyrir að þar fari að mestu Kínverjar búsettir utan heimalandsins. Sóttvarnaraðgerðir við kínversk landamæri eru nefnilega ennþá mjög strangar.

Af þeim þjóðum sem eru taldar sérstaklega við brottför frá Keflavíkurflugvelli þá voru það Þjóðverjar sem eru næst því að vara jafn margir og þeir voru í mars 2019. Samdrátturinn í komum þeirra nemur aðeins 16 prósentum því héðan flugu níu þúsund Þjóðverjar.

Bretar voru langfjölmennastir í hópi ferðamanna hér á landi í síðasta mánuði eða 28 þúsund talsins. Það er á við um áttatíu prósent af fjöldanum fyrir þremur árum síðan.

Markaðurinn fyrir Íslandsferðir meðal Hollendinga, Dana og Frakka er líka búinn að jafna sig betur en víðast hvar annar staðar eins og sjá má á grafinu.

Athygli vekur hins vegar hversu fáir ferðamenn hingað komu frá Kanada þrátt fyrir að ferðalög til og frá því landi eru nú mun einfaldari en þau voru lengstum í heimsfaraldrinum. Auk þess heldur Icelandair heldur úti daglegum ferðum til Toronto. Íbúarnir í þessari fjórðu fjölmennustu borg Norður-Ameríku eru þó auðvitað með ríkisfang út um allan heim og því ekki bara kanadískir ferðamenn sem hingað koma með áætlunarferðunum frá Kanada.

Nýtt efni

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …