Samfélagsmiðlar

Ekki ljóst hverjir geta nýtt sér flugið milli Akureyrar og Keflavíkurflugvallar

Unnið er því að bæta úr þeim annmörkum sem voru á flugferðunum á sínum tíma.

Farþegar á Akureyrarflugvelli munu á ný geta flogið þaðan til Keflavíkurflugvallar.

Á alþjóðaflugvöllum er innanlandsflug vanalega stór hluti af starfseminni en svo er ekki á Keflavíkurflugvelli. Þaðan fljúga allar flugvélar til útlanda. Icelandair samsteypan spreytti sig þó á ferðum milli Keflavíkurflugvallar og Akureyrar á árunum 2017 til 2019 en með hléum.

Þarna var þó ekki um hefðbundið innanlandsflug að ræða.

Íbúar á Reykjanesi gátu til að mynda ekki innritað sig í flug til Akureyrar í Leifsstöð og Akureyringur á leið til Sandgerðis mátti ekki fljúga með heldur varð að fara til Reykjavíkur.

Ferðirnar milli Akureyrar og Keflavíkurflugvallar voru nefnilega eingöngu fyrir þá sem voru á leið í millilandaflug og það var passað var upp á að farþegar sem komu að norðan færu ekki út úr Leifsstöð.

Nú hefur Icelandair uppi áform um að taka upp þráðinn á þessari flugleið og fljúga tvær ferðir á dag. Það liggur hins vegar ekki fyrir hvort áfram verði gerð krafa um að eingöngu farþegar á leið til útlanda geti flogið frá Akureyri til Keflavíkurflugvallar. Í svari flugfélagsins segir að ætlunin sé að bæta úr þeim annmörkum sem áður voru og unnið verði að úrbótum með samstarfsaðilum á flugvöllum.

Skýrara svar fékkst ekki frá flugfélaginu.

Megin áhersla á farþega Icelandair

Þegar Icelandair hætti ferðunum milli Akureyrar og Keflavíkurflugvallar á sínum tíma þá sögðu stjórnendur félagsins að eftirspurnin eftir ferðunum meðal heimamanna fyrir norðan hefði verið góð en erlendir ferðamenn hefðu verið of fáir.

Flugið stóð þó ekki eingöngu farþegum Icelandair til boða því þeir sem flugu til Keflavíkurflugvallar með erlendum flugfélögum gátu líka flogið þaðan beint norður. Þessir farþegar urðu hins vegar að sækja töskurnar sínar við komuna til Keflavíkurflugvallar, fara í vopnaleit í töskusal og bíða þar eftir fluginu norður. Farþegar Icelandair gátu hins vegar innritað sinn farangur alla leið norður.

Þegar þessar flugferðir hefjast á ný þá verður megin áherslan lögð á farþega Icelandair samkvæmt svörum frá flugfélaginu. En samtals munu tuttugu og þrjú önnur flugfélög halda úti áætlunarflugi til Keflavíkurflugvallar í sumar.

Farþegar sem vilja fljúga beint frá Akureyri út í heim geta frá og með byrjun sumars nýtt sér ferðir Niceair til London, Kaupmannahafnar og Tenerife.

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …