Samfélagsmiðlar

Töpuðu 30 þúsund krónum á hverjum farþega

Á veturna tapa flugfélög vanalega peningum og Play er þar engin undantekning.

Þota Play tekur á loft frá Stansted flugvelli í London.

Afkoma Play á fyrsta fjórðungi ársins litast af áhrifum ómíkrón-afbrigðisins og stríðsins í Úkraínu samkvæmt því sem segir í tilkynningu. Þar kemur fram að rekstrartap (Ebit) Play nam 1,7 milljarði króna á þessu tímabili eða rétt um 30 þúsund krónum á hvern farþega. Til samanburðar var rekstrartap Icelandair 7,5 milljarðar króna sem jafngildir tæpum 18 þúsund krónum á hvern farþega fyrstu þrjá mánuði ársins.

„Á fyrsta ársfjórðungi var helsta áherslan á að skala starfsemina upp í aðdraganda sumaráætlunarinnar og tengiflugsleiðakerfisins sem fól meðal annars í sér að ráða og þjálfa nýtt starfsfólk og gera ráðstafanir um að bæta við flotann. Við erum alveg örugg á því að við séum að auka framboð á hárréttum tíma þar sem eftirspurn fer nú ört vaxandi á mörkuðum okkar,“ skrifar Birgir Jónsson, forstjóri Play, í tilkynningu.

Að flugfélög séu rekin með tapi yfir veturinn er alvanalegt því það er á sumrin sem reksturinn er almennt réttum megin við núllið. Forstjóri Play gerir ráð fyrir að rekstrarafkoman á síðari hluta þessa árs verði jákvæð í takt við lækkandi einingakostnað, að frátöldum eldsneytiskostnaði, og auknum umsvifum.

Kaup á þotueldsneyti vegur þungt í rekstri flugfélaga og sérstaklega núna þegar olíuverð er hærra en það hefur verið um langt skeið. Play hefur af þeim sökum tekið upp svokallaðar olíuvarnir þar sem félagið festir verð á ákveðnum hluta af eldsneytisnotkuninni fram í tímann. Þessi samningur er gerður við Skeljung en segja má að í svona viðskiptum tapi annar aðilinn á meðan hinn græðir. Nema olíuverðið standi í raun í stað.

Í lok mars nam handbært fé Play um 5,4 milljörðum króna en til samanburðar og hefur upphæðin lækkað um 1,3 milljarð króna frá áramótum. Hafa ber í huga að fyrirframgreiddir flugmiðar eru hluti af þessari upphæðum.

Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …