Samfélagsmiðlar

Aðeins fleiri farþegar en miklu fleiri gistinætur

Hótelgestir frá þessum fimm þjóðum bættu við flestum gistinóttum í apríl sl.

Herbergi á Icelandairhótelinu við Mývatn.

Bresku farþegarnir á Keflavíkurflugvelli í apríl síðastliðnum voru ögn fleiri en í apríl 2019. Það eru hins vegar vísbendingar um að Bretarnir sem nú komu hafi gefið sér nokkru lengri tíma í Íslandsferðina. Í það minnsta ef bornar eru saman tvær mismunandi talningar í ferðaþjónustunni.

Því samkvæmt tölum Hagstofunnar þá voru gistinætur Breta, á íslenskum hótelum í apríl, um tíu þúsund fleiri en þær voru í sama mánuði fyrir þremur árum síðan. Viðbótin nemur 26 prósentum. Aftur á móti stóð fjöldi þeirra Breta sem innritaði sig í flug á Keflavíkurflugvelli í apríl stóð næstum því í stað. Aukning nam rétt þremur af hundraði samkvæmt talningu Isavia og Ferðamálastofu.

Engin þjóð bætti við eins mörgum gistinóttum í apríl og Bretarnir gerðu en á eftir þeim komu Frakkar. Nærri helmingi fleiri hótelnætur voru skráðar á franska gesti í apríl í ár en samt fjölgaði frönskum farþegum í Leifssstöð hlutfallslega miklu minna eða um 16 prósent.

Þriðja mesta aukningin í gistinóttum talið var hjá Dönum því þeir bættu við sig fjögur þúsund nóttum sem nemur 63 prósent aukningu frá því í apríl 2019. Aftur á móti fjölgaði Dönunum í Leifsstöð um 12 prósent.

Á eftir Bretum, Frökkum og Dönum koma svo Hollendingar þegar horft er til viðbótar í gistinóttum á hótelum. Hollendingarnir keyptu tvö þúsund fleiri nætur í apríl sl. sem er þriðjungs aukning frá því sem var fyrir þremur árum síðan. Hópur hollenskra brottfararfarþega stækkaði mun minna eða um sjö af hundraði.

Í fimmta sæti á listanum yfir þær þjóðir bættu við flestum gistinóttum eru Austurríkismenn. Þeir bókuðu tólf hundruð fleiri nætur að þessu sinni og nemur viðbótin 63 prósentum. Fjöldi austurrískra farþega á Keflavíkurflugvelli stóð hins vegar í stað eins og sjá má á töflunni.

Þar sést einnig útreikningur á dvalartími þessara fimm þjóða en hann byggir á þessum tveimur ólíku talningum.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …