Samfélagsmiðlar

Gengið upp á við í fyrsta sinn í tvo mánuði

Virði Icelandair og Play hefur lækkað um milljarða á milli vikna síðustu mánuði.

Hlutabréfin í Icelandair hækkuðu aðeins í vikunni.

Hlutabréf í flugfélögum hafa lækkað að undanförnu og það er líka raunin hjá Icelandair. Verðmæti flugfélagsins er í dag rétt um 54 milljarðar króna en var tuttugu milljörðum meira virði þann 1. mars sl. þegar hlutafé þess var síðast aukið.

Sú útgáfa skrifaðist á nýtingu áskriftarréttinda þeirra sem tóku þátt í hlutafjárútboði Icelandair haustið 2020. Þessir fjárfestar eiga rétt á að kaupa fleiri bréf í félaginu í byrjun ágúst og þá á genginu 1,3 krónur á hlut. Í dag er gengi flugfélagsins 1,42 krónur eftir að hafa hækkað um 2,3 prósent frá lokum síðustu viku.

Þetta er fyrsta vikan í tvo mánuði sem gengi hlutabréfa í Icelandair hækkar.

Play heldur hins vegar áfram að lækka og virði félagsins er rétt um 11 milljarðar í dag. Lækkunin nemur um sex milljörðum frá hlutafjárútgáfunni þann 22. apríl sl. þegar nokkrir starfsmenn fengu nýja hluti í félaginu.

Eins og sjá má hér fyrir neðan þá var norska félagið Flyr hástökkvari vikunnar í flokki skráðra norrænna flugfélaga. Gengi félagsins er samt sem áður orðið það lágt að hætt hefur verið við boðaða hlutafjáraukningu. Þar átti gengið að vera 1,2 norska krónur á hlut en gengi er komið niður í 1,022 norskar kr.

Í því samhengi má rifja upp að eftir mánuð þarf stærsti hluthafi Icelandair, bandaríski lánasjóðurinn Bain Capital Credit, að segja til um hvort áskriftarréttindi sjóðsins verði nýtt. Þar gefst Bain Capital færi á að bæta við sig þriggja prósent hlut í Icelandair á genginu 1,64 krónur á hlut. Það er um fimmtán prósent hærra verð en fjárfestar þurfa að borga fyrir hlutabréf í Icelandair á markaði. Ef Bain Capital nýtir sér þessi réttindi fær Icelandair inn ríflega tvo milljarða króna í nýtt hlutafé. Annars ekki.

Ef gengi hlutabréfanna sígur áfram næstu mánuðinn þá gæti útgáfa á áskriftarréttindum til almennra hlutahafa líka verið í hættu. En þar er miðað við 1,3 krónur á hlut líkt og fram kemur hér að ofan.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …