Samfélagsmiðlar

Nóg eldsneyti á þotunni

Rauðu neyðarstigi var lýst yfir á Keflavíkurflugvelli stuttu eftir miðnætti í nótt þegar farþegaþota Play var á leið inn til lendingar. Samkvæmt frétt RÚV tengdist atvikið eldsneyti en ekki lágu fyrir frekari upplýsingar.

Spurð nánar um aðstæður þá segir Nadine Guðrún Yaghi, samskiptastjóri Play, að villuskilaboð hafi komið frá eldsneytiskerfi flugvélarinnar.

„Þetta snýr í rauninni að varaeldsneyti sem okkar ferlar gera ráð fyrir að séu um borð í vélinni þegar hún lendir. Það var nóg eldsneyti þannig við teljum fullvíst að þetta hafi verið villumelding og að allt hafi verið í lagi en erum í þessum töluðu orðum að yfirfara allt saman og rannsaka málið.“

Nadine bætir því við að þegar svona villuskilaboð koma upp þá séu eðlilegar varúðarráðstafnir gerðar og flugmennirnir tilkynna um hættustig.

„Þegar vélin var í aðflugi kom í ljós að öll kerfi störfuðu eðlilega og flugöryggi var ekki í hættu á neinum tíma. Þessi hættutikynning er þannig varúðarráðstöfnun.“

Raskanir á áætlun í dag

Tveimur brottförum Play frá Keflavíkurflugvelli var aflýst í dag. Í fyrra tilvikinu var um að ræða flug til Gautaborgar en í þá ferð átti að nota þotu sem Play fékk í síðustu viku en sú er leigð með flugmönnum. Veikindi komu upp í þeirra röðum og ekki voru aðrir til taks og því þurfti að aflýsa ferðinni með stuttum fyrirvara.

Nadine Guðrún segir að verið sé að vinna í því að koma farþegunum til Gautaborgar og það verði líklega seinna í dag.

Einnig hefur verið hætt við flug Play til Parísar um kaffileytið í dag en í þá ferð var ætlunin að fljúga þotunni sem bilaði í nótt.

Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …