Samfélagsmiðlar

Frá þessum löndum komu miklu fleiri en áður

Þrátt fyrir tíðar flugferðir vestur um haf þá fækkað bandarískum og kanadískum ferðamönnum þónokkuð í maí. Nokkrar Evrópuþjóðir fjölmenntu hingað í mun meira mæli en áður.

Ferðamannastraumurinn hingað frá nokkrum Evrópuþjóðum jókst umtalsvert í nýliðnum maí í samanburði við maí 2019.

Um 112 þúsund erlendir farþegar fóru í gegnum vopnaleitina í Leifsstöð í maí en talningin sem þar er gerð er notuð til að leggja mat á fjölda ferðamanna hér á landi. Hópurinn í maí var aðeins 11 prósent fámennari en í maí árið 2019 en ef horft er til metársins 2018 þá nemur samdrátturinn 32 prósentum.

Í nýliðnum maí voru Bandaríkjamenn langfjölmennastir í hópi erlendu farþeganna eða rétt um 26 þúsund. Þeir voru aftur á móti sex þúsund fleiri í maí 2019 og fækkunin nemur um fimmtungi eins og sjá má á töflunni hér fyrir neðan.

Athygli vekur hins vegar að nokkrar þjóðir fjölmenntu hingað í maí í mun meira mæli en fyrir þremur árum síðan. Samkvæmt talningunni voru hér tvöfalt fleiri Hollendingar í síðasta mánuði en í maí 2019 og nærri helmingi fleiri Ítalir og Danir. Viðbótin frá Frakklandi og Spáni var einnig verulega eins og sjá má á töflunni hér fyrir neðan.

Sem fyrr segir fækkaði bandarískum ferðamönnum hér á landi umtalsvert í maí í samanburði við það sem var fyrir heimsfaraldur. Það hefur líka komið fram í máli forsvarsmanna bandaríska flugfélaga að krafan um Covid-19 próf fyrir ferðalög til Bandaríkjanna hafi haft neikvæð áhrif á eftirspurn. Frá og með gærdeginum geta hins vegar allir flogið til Bandaríkjanna án þess að fara í próf fyrir ferðalagið. Nú er að sjá hvort það verði til þess að straumur bandarískra túrista til landsins herðist næstu mánuði. Eitt er alla vega víst og það er að framboð á flugi hingað frá Bandaríkjunum er mikið og þannig fljúga nú þotur fjögurra flugfélaga daglega milli Íslands og New York.

Nýtt efni

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …

Á fimmta hundrað flugvallarstarfsmenn í Ósló og Bergen munu leggja niður störf á miðnætti ef ekki nást samningar um nýjan kjarasamning. Viðræðurnar stranda aðallega á kröfum um bætt lífeyrisréttindi og aukin veikindarétt að því segir í frétt Norska ríkisútvarpsins. Ef til verkfalls kemur er viðbúið að það hafi mikil áhrif á umferðina um flugvellina í …