Samfélagsmiðlar

Íslensku félögin bíða enn eftir nýju leiguvélunum

Flugflotar Icelandair og Play eru í dag ekki eins og lagt var upp með fyrir sumarvertíðina.

Sumaráætlun Play byggist á því að félagið hafi sex flugvélar til umráða sem ferja munu farþega til tuttugu og eins áfangastaðar í Norður-Ameríku og Evrópu.

Ennþá er Play aðeins með fimm farþegaþotur og það er ekki von á þeirri sjöttu fyrr en í lok þessa mánaðar samkvæmt upplýsingum frá félaginu. Af þeim sökum hefur Play tekið á leigu eldri gerð af Airbus þotu til að fylla í skarðið næstu vikur.

Sú flugvél er í eigu búlgörsku flugvélaleigunnar Fly2sky og kemur til landsins í dag. Flugmenn Fly2sky munu fljúga þotunni á leigutímanum en flugfreyjur og -þjónar Play verða við störf í farþegarýminu.

Stjórnendur Play hættu nýverið við að leigja langdræga Airbus þotu sem nota átti í áætlunarflug til Flórída. Þær ferðir voru felldar niður í framhaldinu og í staðinn leigði Play minni þotu og það er sú sem nú er beðið eftir.

Hjá Icelandair hefur biðin eftir tveimur nýjum Boeing Max þotum reynst lengri en upphaflega var gert ráð fyrir. Flugvélarnar áttu að koma hingað í vor samkvæmt tilkynningu sem Icelandair sendi frá sér í ársbyrjun. Vélarnar eru í eigu flugvélaleigu í Dubaí en kom beint hingað til lands frá verksmiðjum Boeing í Seattle. Hjá Icelandair er gert ráð fyrir vélunum síðar í þessum mánuði og verða þær í framhaldinu standsettar í viðhaldsstöð Icelandair á Keflavíkurflugvelli.

Með þessum tveimur nýju þotum verða fjórtán Boeing Max þotur í flota Icelandair en þessar flugvélar eru mun sparneyttari en gömlu Boeing 757 þoturnar sem hafa verið uppistaðan í flota flugfélagsins síðustu áratugi. Og nú þegar verð á eldsneyti er í hæstu hæðum munar um eyðslugrennri farþegaþotur enda kaupir Icelandair nærri allt sitt eldsneyti á verði dagsins. Svokallaðar eldsneytisvarnir félagsins renna nefnilega að mestu út nú í lok júní.

Nýtt efni

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …

Á fimmta hundrað flugvallarstarfsmenn í Ósló og Bergen munu leggja niður störf á miðnætti ef ekki nást samningar um nýjan kjarasamning. Viðræðurnar stranda aðallega á kröfum um bætt lífeyrisréttindi og aukin veikindarétt að því segir í frétt Norska ríkisútvarpsins. Ef til verkfalls kemur er viðbúið að það hafi mikil áhrif á umferðina um flugvellina í …