Samfélagsmiðlar

Farþegafjöldinn í takt við spá

Áfram er litast júní af óstundvísi hjá Icelandair.

Það voru um 431 þúsund farþegar sem nýttu sér ferðir Icelandair frá Keflavíkur- og Reykjavíkurflugvelli í júní og á fyrri helmingi ársins flutti félagið um 1,4 milljónir farþegar og þar af voru farþegar í innanlandsflugi um eitt hundrað þúsund talsins.

Segja má að þessi farþegafjöldi sé í takt við þá spá sem Icelandair birt í tengslum við hlutafjárútboð sitt haustið 2020 enda er þar gert ráð fyrir 2,7 milljónum farþega á þessu ári. Að öllu óbreyttu ætti farþegahópurinn hins vegar að verða töluvert fjölmennari á seinni hluta ársins. Ómíkrón afbrigði kórónuveirunnar hafði til að mynda neikvæð áhrif á eftirspurn eftir ferðalögum í janúar og febrúar.

Í tilkynningu frá Icelandair segir að framboð á flugi í júní hafi verið um 77 prósent af því sem var á sama tíma árið 2019. Sætanýtingin í millilandafluginu var 83 prósent samanborið við 54 prósent í júní í fyrra. Ef horft er til áranna fyrir heimsfaraldur þá var var sætanýtingin hjá Icelandair 88 prósent í júní 2019 og 84 prósent árið áður.

Stundvísi var skárri að þessu sinni eða 67 prósent. Í júní 2019 hélt félagið áætlun í 64 prósent tilvika en aðeins fjórar af hverjum tíu ferðum Icelandair voru á réttum tíma í júní 2018.

„Við höfum gripið til ýmissa aðgerða til að bregðast við krefjandi aðstæðum í rekstrarumhverfinu, bæði vegna aðstæðna á flugvöllum erlendis og vegna áskorana í aðfangakeðjum. Það er forgangsmál hjá okkur að lágmarka áhrif á farþega eins og mögulegt er með ýmsum ráðstöfunum og bættri upplýsingagjöf, bæði í millilandafluginu og innanlands,“ segir Bogi Nils Bogason, forstjóri Icelandair, í tilkynningu.

Þú færð aðgang að öllu efni Túrista næstu tvo mánuði fyrir 2.000 kr. Notaðu afsláttarkóðann SUMAR2022 hér. Áskrift endurnýjast á fullu verði í framhaldinu en alltaf hægt að segja upp.

Nýtt efni

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …

Clive Stacey hefur skipulagt ferðir fyrir Breta til Íslands í áratugi en ferðaskrifstofa hans, Discover the World, hefur fleiri áfangastaði á boðstólum. Og kannski sem betur fer, því nú hefur eftirspurn eftir Íslandsreisum dregist saman. „Í fyrsta sinn í 40 ára sögu fyrirtækisins höfum við selt fleiri ferðir til Noregs en til Íslands. Fyrirspurnum um …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Við þessa breytingu lagðist tímabundið niður sala á gjaldeyri á Keflavíkurflugvelli þar sem Change Group hafði ekki fengið tilskilin leyfi til að sinna gjaldeyrisviðskiptum hér …

„Við erum hörkuánægð með þessa leið," segir Tómas Ingason, framkvæmdastjóri tekju-, þjónustu- og markaðssviðs Icelandair, aðspurður áhugaverðar farþegatölur frá í Raleigh-Durham í Norður-Karólínu. Þær sýna að 5.443 farþegar nýttu sér ferðir Icelandair til og frá flugvellinum í mars sl. sem þýðir þoturnar hafi verið þéttsetnar í nánast hverri ferð enda var sætanýtingin 94 prósent að …

Árið 1990 voru 60 prósent allra viðskipta í smásöluverslunum í Danmörku lokið með greiðslu peningaseðla. Búðirnar tóku á þessum árum fúslega við krumpuðum peningaseðlum og gáfu til baka annað hvort með öðrum jafn sjúskuðum peningaseðlum eða nýstraujuðum seðlum beint úr hirslum Seðlabankans.  Í dag, rúmum þrjátíu árum síðar, enda einungis 9 prósent innkaupa með greiðslu peningaseðla. …