Samfélagsmiðlar

Horfurnar í fluginu óljósar fyrir veturinn

Mögulega minni eftirspurn eftir styttri utanlandsferðum í vetur vegna efnahagsástandsins.

kaupmannahof farthegar

Farþegar á Kaupmannahafnarflugvelli

Þrátt fyrir há fargjöld þá hefur eftirspurn eftir flugmiðum verið mikil í sumar. Tekjur af hverju sæti hafa því verið óvenjuháar eins og fram hefur komið í uppgjörum og eins í máli stjórnenda flugfélaga. Flugmiðarnir hafa einfaldlega selt sig sjálfir.

Það mun þó líklega reyna meira á markaðs- og sölufólk flugfélaganna á næstu misserum því horfurnar framundan eru ekki eins bjartar samkvæmt umfjöllun Financial Times í dag. Þar er sérstaklega vísað til versnandi ástands í hagkerfum heimsins. Þar með geti dregið úr þeirri uppsveiflu sem verið hefur í ferðageiranum að undanförnu.

Þá sérstaklega þegar kemur að bókunum á styttri utanlandsferðum yfir vetrarmánuðina líkt og fjármálastjóri Gatwick flugvallar í London bendir á í samtali við Financial Times. Blaðið hefur það svo eftir ónefndum stjórnanda evrópsks flugfélags að útlitið sé óljóst fyrir veturinn og búast megi við minni eftirspurn eftir borgarferðum.

Gangi það eftir þá gætu hlutabréf í flugfélögum dalað enn frekar en samkvæmt Financial Times hefur markaðsvirði evrópskra flugfélaga lækkað um fimmtán prósent að jafnaði í ár. Lækkunin er ennþá meiri hjá stærstu flugfélagasamteypum Evrópu. Til samanburðar hefur gengi Icelandair hins vegar hækkað um þrjú prósent í ár en lækkunin nemur nærri fimmtungi hjá Play.

Í grein Financial Times bendir hlutabréfagreinandi á að almennt kaupi fjárfestar ekki hlutabréf í flugfélögum þegar kreppa ríkir í efnahagslífinu. Greinandinn bætir því þó við að þrátt fyrir verri efnahagshorfur þá hafi stóru flugfélögin ekki gefið neitt út um að eftirspurn hafi dregist saman.

Forstjóri hins nýja norska flugfélags Norse spáir því að fólk muni setja ferðalög í forgang en ekki kaup á nýjum heimilistækjum. Og sérfræðingar greiningafyrirtækisins Moody´s sjá heldur ekki fyrir sér að tekjur flugfélaga falli í líkingu við það sem hefur gerst í kreppuástandi á árum áður. Skýringin á því liggi meðal annars því óvenjulega ástandi sem ferðatakmarkanir á tímum Covid-19 ollu.

Nýtt efni

Stjórnendur rafbílaframleiðandans Tesla leita nú leiða til að draga úr kostnaði og horfa þeir til þess að segja upp 14 þúsund starfsmönnum eða um 10 prósent af vinnuaflinu. Þetta kemur fram í tölvupósti sem forstjóri félagsins, Elon Musk, sendi til starfsfólks samkvæmt frétt sem fagritið Electrek birti í morgun. „Ég hata ekkert meira en þetta …

Stefnt er að því að á hótelinu verði veitingastaður, ráðstefnu- og veislusalur ásamt heilsulind. Síðan er ætlunin að stækka Skógarböðin og tengja þau hótelinu.  Samkvæmt fréttatilkynningu er um að ræða fimm milljarða króna fjárfestingu. Áætlað er að hótelið verði opnað eftir tvö ár, vorið 2026.  „Þetta er virkilega spennandi verkefni sem við hjá Íslandshótelum hlökkum …

Hver hlutur í Icelandair kostaði fyrir opnun Kauphallarinnar í morgun 1 krónu og fjóra aura. Verðið hefur ekki verið svona lágt síðan í nóvember árið 2020 en þá hafði félagið nýverið efnt til hlutafjárútboðs þar sem sölugengið var 1 króna á hlut. Í dag er markaðsvirði Icelandair 43 milljarðar króna og hefur það lækkað um …

Stafræna byltingin gerði fjarvinnu auðveldari og heimsfaraldurinn festi það vinnufyrirkomulag í sessi. Stór og vaxandi hópur fólks nýtir sér þá möguleika sem felast í þessu frelsi - að geta unnið verk sín eiginlega hvar sem er í heiminum, skila unnum verkum af sér án þess að mæta á tiltekinn stað á tilgreindum tíma. Áætlað er …

Sigurð Örn Ágústsson, fyrrum forstjóri Bláfugls, hefur verið ráðinn framkvæmdastjóri viðskiptaþróunar hjá Play. Um er að ræða nýtt svið innan flugfélagsins og verður Sigurður Örn hluti af framkvæmdastjórn flugfélagsins sem nú telur átta manns, einum fleiri en í yfirstjórn Icelandair. Í tilkynningu segir að Sigurður Örn muni hafa það hlutverk að leiða frekari þróun þvert …

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …