Samfélagsmiðlar

Geta hafið sókn í Ameríkuflugi frá Bretlandi

Stjórnendur Icelandair og Play þurfa líklega meir og meir að horfa til verðlagningar Norse flugfélagsins.

Frá og með vorinu stefnir Norse Atlantic á aukin umsvif í flugi milli Bretlands og Bandaríkjanna.

Breska flugmálayfirvöld hafa veitt norska lágfargjaldaflugfélaginu Norse Atlantic flugrekstrarleyfi og þar með getur félagið stóraukið umsvif sín í áætlunarflugi yfir Atlantshafið frá Gatwick í London. Þetta kemur fram í tilkynningu sem félagið sendi frá sér í morgun.

Í dag fljúga þotur Norse daglega frá Gatwick flugvelli í London til JFK flugvallar í New York en sú útgerð byggir á norsku flugrekstrarleyfi. Nú ætla stjórnendur Norse aftur á móti að koma upp starfsstöð í bresku höfuðborginni og auka framboð á Ameríkuflugi þaðan. Félagið hyggst ráða bæði breskar og bandarískar áhafnir til að sinna útgerðinni.

Hversu margir áfangastaðirnir vestanhafs verða liggur ekki fyrir en forstjóri Norse boðar aukin umsvif frá og með næsta vori. Félagið er í dag með fimmtán Boeing Dreamliner þotur sem áður tilheyrðu Norwegian. Það félag einbeitir sér hins vegar eingöngu að flugi innan Evrópu í dag og Norse er því að fylla það skarð sem Norwegian skildi eftir sig, til að mynda á Gatwick flugvelli en þaðan bauð félagið upp á tíðar ferðir til fjölda borga í Bandaríkjunum og þá oft í samkeppni við Icelandair og Wow Air. Og það er engin launung að útgerð Norwegian setti verulega pressu á fargjöld íslensku flugfélaganna.

Og nú gætu stjórnendur Icelandair og Play þurft að horfa meira og meira til verðlagningar Norse því það félag býður upp á beint flug yfir Atlantshafið á meðan farþegar íslensku flugfélaganna þurfa að millilenda á Keflavíkurflugvelli. Ferðalagið verður því flóknara og neytendur þurfa því meðal annars að sjá fjárhagslegan ávinning í því að fara lengri leiðina.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …