Það voru að jafnaði farnar 82 áætlunarferðir á dag frá Keflavíkurflugvelli í ágúst eða einni fleiri en í sama mánuði árið 2019. Þá voru fimm mánuðir liðnir frá falli Wow Air og samdrátturinn í flugi til og frá landinu því umtalsverður.
Í ágúst 2018, þegar Wow Air var á fleygiferð, voru áætlunarferðirnar að meðaltali 103 á dag samkvæmt ferðagögnum Túrista. Umferðin í nýliðnum mánuði var því um fimmtungi minni en metárin 2018 og 2017.
Þá líkt og nú eru það Icelandair er sem umsvifamesta flugfélagið. Í nýliðnum ágúst stóð Icelandair fyrir sex af hverjum tíu áætlunarferðum en hlutdeild félagsins var rétt 44 prósent í ágúst 2018. Þá var Wow Air með 31 prósent af ferðunum. Saman stóðu félögin tvö því fyrir þremur af hverjum fjórum flugferðum frá Keflavíkurflugvelli. Það er nærri sama vægi Icelandair og Play er í dag eins og sjá má hér fyrir neðan en í takt við aukin umsvif félaganna tveggja þá hefur hlutdeild erlendu félaganna dregist saman frá því sem var í ársbyrjun.
