Samfélagsmiðlar

Virgin hættir flugi til Hong Kong

Tilkynnt var í dag um að breska flugfélagið Virgin Atlantic ætli að hætta flugi til Hong Kong í mars á næsta ári og loka söluskrifstofu sinni þar eystra. Þar með lýkur 30 ára sögu flugs Virgin Atlantic til þessarar fyrrum nýlendu og sjálfsstjórnarsvæðis innan breska heimsveldisins. Ákvörðunin er skýrð með því að benda á afleiðingar árásarstríðs Rússa í Úkraínu.

Stofnandi Virgin Atlantic, Richard Branson, segir að allar þær flækjur sem hafi fylgt því að rússnesk lofthelgi lokaðist vegna stríðsins stuðli að því að ákvörðun sé tekin um að hætta flugi til Hong Kong 23. mars 2023, samkvæmt frétt Reuters-fréttaveitunnar. Raunar hefur flug legið niðri frá því í desember á síðasta ári vegna harðra Covid-19-reglna í Kína og Hong Kong.

Virgin Atlantic eins og mörg önnur flugfélög hættu flugi um rússneska lofthelgi þegar Rússar réðust inn í Úkraínu. Bloomberg-fréttaveitan hefur heimildir fyrir því að ákvörðun forráðamanna Virgin Atlantic um að gefa flug til Hong Kong upp á bátinn hafi áhrif á framtíð 46 starfsmanna félagsins, bæði skrifstofufólk og áhafnir. Bent er á að félagið hefði staðið frammi fyrir því að ef flogin yrði lengri leið milli Heathrow og Hong Kong tæki flugferðin einni klukkustund lengri tíma en hún gerði árið 2019. Virgin Atlantic hafði fyrir heimsfaraldur einnig haldið uppi flugi til Hong Kong frá Melbourne og Sidney í Ástralíu.

Forráðamenn Virgin Atlantic harma þessa niðurstöðu og áhrif hennar á trygga viðskiptavini.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …