Samfélagsmiðlar

Bílar og herbergi á lausu í lok sumars

Ferðamenn í Reykjavík í september.

Íslensk ferðaþjónusta var á fullum afköstum síðsumars, mörg hótel uppbókuð og erfitt að fá bílaleigubíl. Þetta er sú skýring sem stjórnendur Play hafa gefið á minnkandi tekjum undir lok þriðja ársfjórðungs. Þá var afkoma félagsins ekki í takti við spár.

Um þetta hefur Túristi fjallað en ljóst er að allir skrifa ekki undir þessa skýringu.

Steingrímur Birgisson, forstjóri Bílaleigu Akureyrar-Höldur, segir að þar líkt og hjá flestum öðrum bílaleigum hafi bílar verið á lausu í lok sumars. Framboðið hafi batnað mjög þegar leið á sumarið eftir að töluverðar tafir urðu á afhendingu nýrra bíla í byrjun vertíðar. Það hafi því alls ekki vantað bíla undir lokin, segir Steingrímur.

Í sama streng tekur Egill Jóhannsson, forstjóri Brimborgar, sem rekur þrjár bílaleigur. Hann bendir á að strax í júlí hafi framboðið verið orðið gott og það aukist í hverjum mánuði síðan. Bílaleiguflotinn í dag sé mjög nærri því sem hann varð stærstur árið 2018 þegar til landsins komu um 2,3 milljónir ferðamanna.

„Miðað við flotastærð bílaleigubíla í landinu núna þá er líklegt að framboð á næsta ári verði fínt jafnvel þó góður vöxtur verði í fjölda ferðamanna,“ bætir Egill við.

Samkvæmt upplýsingum frá þeim Agli og Steingrími var útleiguverðið hærra í sumar en í eðlilegu árferði en það hafi lækkað í haust.

Samkvæmt tölum Hagstofunnar voru skráðir bílaleigubílar hér á landi í ágúst og september nærri 25 þúsund en þeir voru ríflega 26 þúsund á sama tíma metárið 2018.

Tölur Hagstöfunnar sýna líka að herbergjanýtingin í ágúst var 87 prósent og 79 prósent í september sem er einu til tveimur prósentustigum betri nýting en 2018.

Aðspurður um stöðuna í sumarlok segir Kristófer Oliversson, eigandi Center Hotels og formaður Félags hótels- og gistihúsaeigenda, að það komi dagar og hafi alltaf komið þegar erfitt er að fá gistingu. Kristófer líst hins vegar ekki á þá þróun að umsvif Airbnb aukist hér á landi. Á fjárfestafundi á föstudaginn sagði forstjóri Play að aukið framboð á vegum Airbnb væri til marks um aukna afkastagetu ferðaþjónustunnar.

„Ég tel það ekki réttu leiðina að mæta aukinni eftirspurn eftir gistingu að fjölga hótelskipum eða leggja heilu hverfin undir Airbnb. Við þurfum að sýna ábyrgð og byggja greinina upp með langtíma hagsmuni í huga,“ segir Kristófer.

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …