Samfélagsmiðlar

Forstjórinn feginn að hafa keypt þoturnar áður en verðið hækkaði

Í flota Wizz Air eru eingöngu Airbus þotur.

Á Keflavíkurflugvelli standa Icelandair og Play undir bróðurparti umferðarinnar en þar eftir kemur hið ungverska Wizz Air. Stjórnendur þess nýttu tímann í heimsfaraldrinum til að opna nýjar starfsstöðvar og kaupa nýjar Airbus þotur. Þar á meðal hátt í þrjátíu eintök af A321 XLR sem eru hefðbundnar farþegavélar með drægni á við breiðþotur.

Þær eiga til dæmis að drífa frá Keflavíkurflugvelli og alla leið til Dubaí og syðsta hluta Kaliforníu og gætu hentað Icelandair vel eins og rætt hefur verið.

Verðið á þotunum hefur þó hækkað umtalsvert að undanförnu ef marka má orð József Váradi, forstjóra Wizz Air. Í tilkynningu sem félagið sendi frá sér í morgun, vegna nýs uppgjörs, tekur forstjórinn nefnilega sérstaklega fram að félagið hafi tryggt sér góð kjör á nýju þotunum áður en verðlagið fór á flug.

Til viðbótar við verðbólguna hafa biðlistar eftir nýju þotum lengst enda hafa stjórnendur flugfélaga verið duglegir við að kaupa flugvélar síðustu misseri. Icelandair hefur til að mynda tryggt sér fleiri eintök af Boeing Max en er líka í viðræðum við Airbus um möguleg flugvélakaup enda þarf félagið á langdrægari þotum að halda sem fyrr segir.

En þrátt fyrir að flugvélaviðskiptin hafi verið vel lukkuð að mati forstjóra Wizz Air þá hefur afkoma flugfélagsins ekki verið góð að undanförnu. Í morgun birti félagið uppgjör sem nær yfir tímabilið mars til september og niðurstaðan var tap upp á 384 milljónir evra eða 55 milljarða króna á gengi dagsins.

Langstærsti hluti tapsins skrifast á þá staðreynd að Wizz Air borgar fyrir leigu á flugvélum í bandaríkjadollar á sama tíma og tekurnar eru að mestu í evrum. Það samband kemur ekki vel út núna þegar dollarinn er mjög sterkur.

Af þeim sökum hafa stjórnendur Wizz Air unnið að því að færa leigusamningana yfir í evrur og í þeim viðræðum vinnur það með flugfélaginu að einn stærsti hluthafinn á nærri allar þoturnar. Þar er á ferðinni Bill Franke, sá sami og sýndi fjárfestingu í Wow Air áhuga eftir að slitnaði upp úr viðræðum Icelandair og Skúla Mogensen í árslok 2018. Ekkert varð þó af viðskiptunum eins og við þekkjum öll.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …