Samfélagsmiðlar

Ný gleraugnaverslun í Leifsstöð

Frá Leifsstöð.

Íslenska gleraugnaverslunin Eyesland átti hagkvæmasta tilboðið í samkeppni um rekstur gleraugnaverslunar á Keflavíkurflugvelli. Fyrirtækið mun því opna verslun í flugstöðinni á fyrsta ársfjórðungi næsta árs að því segir í tilkynningu.

Þar segir að opnað hafi verið fyrir útboð fyrir gleraugnaverslun fyrr á þessu ári og tvö fyrirtæki sendu inn gögn til þátttöku. Við mat á tilboðunum var horft til tveggja meginþátta, tæknilegs og fjárhagslegs. Sérfræðiteymi eru á bak við hvorn matsflokk en meðal þess sem hefur áhrif á matið eru vöruúrval, gæði, þjónusta og verð, hönnun, sjálfbærni og markaðssetning.

„Eyesland var stofnað árið 2010 með það að leiðarljósi að bjóða upp á vandaðar vörur á góðu verði. Síðan þá hefur fyrirtækið vaxið og dafnað og við erum gífurlega spennt fyrir komandi tímum í nýju verkefni. Við höfum ávallt lagt áherslu á faglega og persónulega þjónustu og munum halda því áfram í nýrri verslun okkar á Keflavíkurflugvelli. Við hlökkum til að taka þátt í þeirri uppbyggingu sem á sér stað á vellinum,“ segir Sigrún Andersen, hjá Eyesland.  

„Við bjóðum Eyesland velkomin í flugstöðina og hlökkum til samstarfsins. Á sama tíma viljum við þakka Optical Studio fyrir gott samstarf til fjölda ára og óskum þeim velfarnaðar. Þau voru brautryðjendur á þessum markaði í flugstöðinni og hafa veitt góða þjónustu í gegnum tíðina. Lögum samkvæmt, bjóðum við út verslunar- og veitingarými flugstöðvarinnar. Við höfum að leiðarljósi að útboðsferlið sé gagnsætt og úrvinnslan skýr. Enda okkar markmið að allir bjóðendur hafi jafna möguleika á að vinna útboðin, hvort sem þeir eru vanir útboðum eða ekki,“ segir Gunnhildur Erla Vilbergsdóttir, deildarstjóri verslunar og veitinga hjá Isavia. 

Í tilkynningu er tekið fram að Isavia beri að bjóða út verslunar- og veitingarými á Keflavíkurflugvelli og er útboðunum ætlað að tryggja samkeppni til hagsbóta fyrir neytendur og rekstraraðila.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …