Samfélagsmiðlar

Fleiri telja óhætt að fara í siglingu

Kórónaveirufaraldurinn lék rekstur skemmtiferðaskipanna illa en nú virðist ferðafólk hafa öðlast traust á þeim ferðamáta að nýju. Sala miða í ferðir hefur tekið vel við sér.

Skemmtiferðaskip á Ísafirði

Skemmtiferðaskip á Ísafirði

Þegar heimsfaraldurinn geisaði þótti fáum eftirsóknarvert að vera um borð í skemmtiferðaskipi og eiga á hættu að sæta einangrun ef sóttin blossaði upp um borð. Athygli heimsins var vakin þegar breska skipið Diamond Princess var kyrrsett í höfn í Yokohama í Japan í febrúar 2020 vegna sýkinga um borð. Farþegar og áhöfn, 3.711 manns, voru í raun gerð að tilraunadýrum með tveggja vikna einangrunarvist. 712 sýktust og 14 farþegar létust. Farþegar fleiri skipa máttu þola sýkingar og frávísanir frá höfnum. Skemmtiferðaskip máttu t.d. ekki koma til hafnar í Bandaríkjunum mánuðum saman. Þessi áföll urðu til þess að fjölmörgum ferðum var aflýst og skipum var lagt.

Skemmtiferðaskipin hafa ekki notið þeirrar endurreisnar sem orðið hefur í ferðaþjónustu heimsins eftir heimsfaraldur. Fólk hefur verið tortryggið. En nú virðist vera að rofa til og að sífellt fleiri treysti sér aftur í langar sjóferðir. 

Bandaríska blaðið the Wall Street Journal hefur sagt frá því að á síðustu vikum hafi mörg skipafélög kynnt afsláttarkjör og hagstæða ferðaauka til að örva bókanir og hefur eftir sérfróðum að slík kostakjör bjóðist yfirleitt ekki fyrr en á fyrsta ársfjórðungi þegar fólk byrjar að skipuleggja sumarleyfisferðir sínar.

Skipafélögin halda ótrauð áfram að gera skip sín sjóklár fyrir næsta ár í von um að fylla káeturnar sem staðið hafa tómar frá því heimsfaraldurinn hófst. Tilboðum um siglingar um heimshöfin rignir því yfir þá ferðafúsu. Samkeppnin við aðra geira ferðaþjónustunnar er hörð. Því er lofað að með því að bóka strax skipsferð fáist lægra verð en búast megi við þegar nær dregur sumarleyfistímanum. 

Verð á farmiðum á næsta ári ræðst auðvitað af eftirspurn. Ef margir sýna sjóferðum áhuga og skella sér á þau tilboð sem nú bjóðast mun verðið vafalítið hækka ef eftirspurn helst. 

En hvað sem líður loforðum um afslætti og tilboðskjör þá mega allir sem ferðast með skemmtiferðaskipum á árinu 2023 búast við að ferðakostnaðurinn hafi hækkað umtalsvert frá fyrri árum vegna almennrar verðlagsþróunar. 

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hagnaðurinn á milli ára. Tekjur félagsins námu 14,5 milljörðum króna og jukust um 30% milli ára og var EBITDA félagsins 3,1 milljarður króna og jókst um fjórðung. „Við erum afar stolt af þeim árangri sem náðist í rekstri félagsins á síðasta ári …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …