Samfélagsmiðlar

Svíar farnir að bóka álíka seint og Íslendingar

Grikkland heillar Svía meira en Spánn þessi misserin.

Það er löng hefð fyrir því að skandinavískar ferðaskrifstofur setji í loftið auglýsingaherferðir milli jóla og áramóta því það er þá sem sala á ferðalögum næsta sumars hefst af miklum krafti. Hér heima hefur takturinn verið mun hægari enda leggja íslenskar ferðaskrifstofur oft ekki lokahönd á sumarprógrammið fyrr en í febrúar.

Nú eru aftur á móti vísbendingar um að takturinn hjá frændum okkar sé að verða íslenskari. Bókanir á sólarlandaferðum vetrarins bárust til að mynda miklu seinna að þessu sinni og talsmenn stærstu ferðaskrifstofa Svíþjóðar reikna ekki með roksölu á sólarlandaferðum nú um áramót.

„Áður settist fólk niður milli jóla og nýárs og bókaði ferðir. Núna höfum við seinkað markaðsherferðum og gerum í staðinn ráð fyrir að pantanir komi í febrúar og mars,” segir Claes Pellvik, talsmaður ferðaskrifstofunnar Ving, við Svenska dagbladet.

Og hann reiknar með að flestir setji stefnuna á Grikkland, Kýpur og Tyrkland næsta sumar en ásóknin í Spánarferðir verði minni en áður. Það skrifast þó ekki á verðlagið á Spáni heldur frekar á miklar vinsældir Grikklands enda hafa frægir Svíar streymt þangað síðustu misseri. Myndir af sænskum stjörnum á grískum ferðamannastöðum hafa því verið í mikilli dreifingu á samfélagsmiðlum og í slúðurdálkum fjölmiðla.

Kannski má líkja þessu við þá athygli sem Ítalíureisur misþekktra Íslendinga hafa fengið í vinsælu vefmiðlunum hér heima.

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …