Samfélagsmiðlar

Opna hótelið við Austurvöll

Gamli Sjálfstæðissalurinn hefur verið endurbyggður í upprunalegri mynd og verður hann hluti af rekstri hins nýja hótels.

Iceland Parliament Hotel er heiti nýs hótels við Alþingishúsið sem nú hefur verið opnað. Framkvæmdir við byggingarnar, sem hótelið er starfrækt í, hafa dregist á langinn og þeim lýkur fyrst næsta vor þegar öll 163 herbergi hótelsins verða tekin í notkun.

„Gamla Landssímahúsið gengur nú í endurnýjun lífdaga og verður aðgengilegt innlendum og erlendum gestum, en í almenningsrýmum hótelsins verður til sýnis einstakt safn íslenskrar myndlistar sem er í einkaeigu. Boðið verður upp á skipulagða leiðsögn um húsið á komandi ári fyrir þau sem vilja fræðast um íslenska myndlist og húsakynni hótelsins,“ segir í tilkynningu.

„Það má segja að byggingarnar verði nú aðgengilegri almenningi en nokkru sinni fyrr. Við viljum virða merka sögu reitsins og gera henni góð skil í okkar starfsemi, en á sama tíma hleypa nýju lífi í þau hús sem hafa í allt of langan tíma verið án starfsemi eða til lítillar prýði fyrir þennan mikilvæga samkomustað okkar Íslendinga við Austurvöll og Alþingi Íslands,“ segir Hildur Ómarsdóttir, aðstoðarframkvæmdastjóri Iceland Hotel Collection, sem stýrt hefur framkvæmdum við hótelið fyrir hönd rekstraraðila.

Hildur bætir því við að bókunarstaða hótelsins sé góð fyrir komandi áramót og ekkert því til fyrirstöðu að gestir hússins komi saman og fagni nýju ári við sögufrægar slóðir við Austurvöll.

Veitingastaður hótelsins ber nafnið Hjá Jóni og snýr hann út að Austurvelli þar sem styttan af Jóni Sigurðssyni stendur. Á jarðhæð hótelsins verður barinn Telebar og er heitið skírskotun í fyrrum starfsemi hússins sem áður hýsti höfuðstöðvar Landsímans og fjarskiptatengingar höfuðborgarinnar við landsbyggðina og landsins við útlönd á árum áður. Á Telebar verða framreiddar kaffiveitingar á daginn og úrval vína og kokteila á kvöldin, ásamt smáréttum. Loks hefur gamli Sjálfstæðisalurinn verið endurgerður í upprunalegri mynd en bæði ytra og innra byrði salarins er friðað.

Hið nýja hótel er hluti af Iceland Hotel Collection by Berjaya sem áður hét Icelandair Hotels og var þá í eigu flugfélagsins sjálfs. Tengsl Icelandair við hótelið við Austurvöll eru þó talsverð því flugfélagið á helming í fasteigninni en líkt og Túristi hefur áður fjallað um þá hvíldu á henni skuldir upp á nærri 13 milljarða króna um síðustu áramót.


Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …