Samfélagsmiðlar

Dónalegar flugfreyjur reknar

Flugfélagið Cathay Pacific í Hong Kong rak þrjár flugfreyjur vegna þess að þær hæddust að kínverskum farþegum vegna slakrar enskukunnáttu þeirra. Flugfélagið hefur beðist afsökunar á þessum brotum á siðareglum og segir að farið verði rækilega í saumana á þjónustu félagsins.

Flogið yfir Hong Kong

Cathay Pacific er stærsta flugfélagið í Hong Kong og var í hópi þeirra flugfélaga í heiminum sem nutu mestrar velgengi á árunum fyrir heimsfaraldurinn. Hinsvegar settu Covid-19 og pólitísk óvissa um framtíð Hong Kong strik í reikninginn. Um síðustu áramót var því þó spáð að bjartari tímar væru framundan. Það hefur gengið eftir það sem af er ári. Á fyrstu fjórum mánuðum ársins flutti Cathay Pacific 3,7 prósentum fleiri farþega en í sömu mánuðum í fyrra. Stærstu eigendur Cathay Pacific eru breska fjárfestingafélagið Swire Pacific (42.3%) og kínverska ríkisflugfélagið Air China (28.2%). 

Flugvélar Cathay Pacific á flugvellinum í Hong Kong – MYND: Al Reile Dela Torre / Unsplash

Atburðir sem urðu um borð í flugvél Cathay Pacific á leið frá Chengdu í Suðvestur-Kína til Hong Kong síðastliðinn sunnudag vöktu hörð viðbrögð víða og forráðamenn félagsins og sjálfsstjórnarhéraðsins voru ekki hikandi í viðbrögðum sínum til að verja orðsporið.

Farþegi um borð í umræddri flugvél sagði frá því í netfærslu að flugfreyjur um borð hefðu verið að tuða sín í milli á ensku og kantónsku um farþegana um borð. Upptaka náðist af því þegar flugfreyjurnar gerðu grín að lélegri enskukunnáttu – að farþegarnir væru svo lélegir í ensku að þeir bæðu um gólfteppi (carpet) en ekki ábreiðu (blanket). Á upptökunni heyrist ein flugfreyjan segja hreint út við farþega: „Ef þú getur ekki sagt blanket á ensku þá getur þú ekki fengið svoleiðis. Carpet er nefnilega þetta sem er á gólfinu. Þú mátt leggjast þar ef þú vilt.“

Þessi upptaka fór víða og olli miklu uppnámi á samfélagsmiðlum. 

Götumynd frá Hong Kong – MYND: Chromatograph / Unsplash

Þessi dónaskapur starfsfólks um borð í flugvélinni er hneisa og álitshnekkir fyrir Cathay Pacific sem hefur verið að ná vopnum sínu að nýju eftir erfið ár sem einkennst hafa af aflýstum flugferðum, ströngum sóttvarnaraðgerðum og uppsögnum starfsfólks. Auk þess þurfa Hong Kong-búar auðvitað að gæta sín á því að styggja ekki granna sína. Æðsti stjórnandi sjálfsstjórnarsvæðisins Hong Kong, John KC Lee, sagði umbúðalaust að mismunun væri ekki þoluð hjá Cathay Pacific. Þessi atvik væru alvarleg og myndu ekki endurtaka sig. Hann sagði á Facebook-síðu sinni að orð og framganga flugfreyjanna hefðu sært tilfinningar landa þeirra – bæði í Hong Kong og á meginlandi Kína. Hefðir, gildismat og kurteisisvenjur hefðu verið brotnar. 

Síða John KC Lee á Facebook – MYND: Facebook

Mikilli hneykslun var lýst á þessu atviki um borð í flugvél Cathay Pacific í ríkisfjölmiðlinum People’s Daily í Kína og fordómum í garð kínverskumælandi farþega, Flugfélagið sjálft var gagnrýnt fyrir kúltúrinn sem þar ríkti. Í honum fælist að upphefja útlendinga og íbúa Hong Kong á kostnað fólks af meginlandinu. Ekki dygði að biðjast afsökunar heldur yrði að uppræta þessa ómenningu og setja skýrar reglur til að fylgja. Hong Kong-búar yrðu að láta af aðdáun sinni á ensku og hætta að fyrirlíta kínversku. 

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru mikilvæg tekjulind fjölmiðla allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 starfar samkvæmt íslenskum …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …