Samfélagsmiðlar

Flugbíllinn færist skrefi nær

Framtíðarsýnin um fljúgandi bíla hefur ekki enn orðið að veruleika en hún færist stöðugt nær. Búist er við að fyrstu flugbílarnir verði teknir í notkun innan fárra ára. Nýlokið er mikilvægum prófunum í Sviss á flughæfni brasilísks farartækis sem vonast er til að fari í sölu árið 2026.

Fugbíll Eve í vindgöngum í Sviss

Tilkynnt var í gær að rafflugþróunarfyrirtækið Eve Air Mobility, sem er í eigu brasilíska flugvélaframleiðandans Embraer, hefði lokið vel heppnuðum prófunum á nýju rafknúnu flugfari sem fer á loft og lendir lóðrétt – eða eVTOL (electric Vertical TakeOff and Landing vehicle). Við köllum þetta farartæki einfaldlega flugbíl.

Prófanir á módeli Eve flugbílsins fóru fram í vindgöngum nærri Luzern í Sviss en þar var aflað mikilvægra upplýsinga um flughæfni og eiginleika áður en kemur að lokahönnun. Fyrirhugað er að frumgerð þessa farartækis verði fullsmíðað á næsta ári en það fari síðan á markað 2026. Þegar hafa um 2.800 fyrirframpantanir borist.

Meðal fjárfesta sem standa að baki verkefninu eru bandaríska flugfélagið United Airlines og breski þotuhreyflaframleiðandinn Rolls Royce. 

Farartæki í borgarsamfélögum framtíðar – MYND: Eve Air Mobility

Eve-flugbíllinn, eða flugtaxinn, verður einungis knúinn rafmagni og á að geta flogið í 100 kílómetra á einni hleðslu. Menn sjá fyrir sér að þetta farartæki eða skutla geti sinnt fjölmörgum verkefnum í borgarsamfélögum, flutt bæði fólk og vörur – t.d. komið farþegum hratt og örugglega frá lendingarpalli nærri heimili eða vinnustað á nærliggjandi alþjóðaflugvöll.

Við hönnun Eve-flugbílsins er sérstaklega miðað við að tryggja þægindi og öryggi flugmanns og farþega – ekki síst að draga sem mest úr hávaða sem berst inn í faþegarýmið. Í fyrstu er miðað við að manneskja stýri farartækinu en í framtíðinni er gert ráð fyrir sjálfstýribúnaði.

Áður en flugbílarnir taka á loft þarf að leysa ýmis verkefni. Útbúa verður leyfilega lendingarstaði fyrir þessi faratæki, byggja upp nauðsynlega hleðsluinnviði, og auðvitað gefa út nauðsynlegar reglur um flug þeirra. Þá á eftir að byggja upp traust og tiltrú væntanlegra notenda á þessum nýstárlegu samgöngutækjum – sérstaklega þegar kemur að því að farartækin fljúgi án stjórnanda um borð.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …