Samfélagsmiðlar

Ryanair veðjar á Spán

Írska lággjaldaflugfélagið Ryanair ætlar að opna fimm nýjar starfsstöðvar á Spáni og stefnir að því að flytja 40 prósent fleiri farþega þangað. Félagið reynir þó sem fyrr að hafa áhrif á gjaldheimtu flugvalla þar sem það starfar.

Götumynd frá Madríd - MYND: ÓJ

Michael O´Leary, forstjóri Ryanair-samsteypunnar hitti Pedro Sanches, forsætisráðherra Spánar, á fundi fyrr í mánuðinum og lofaði því að félagið myndi fjárfesta fyrir um fimm milljarða evra á Spáni á næstu sjö árum. Spánn er annað fjölsóttasta ferðamannaland heims, næst á eftir Frakklandi, og mikil tiltrú Ryanair á framtíð ferðaþjónustu þar styrkir stöðu landsins enn frekar. Þetta er þó ekki alveg meitlað í stein.

Írska lággjaldaflugfélagið segist ætla að koma sér fyrir á fimm nýjum starfsstöðvum eða flugvöllum á Spáni og fjölga flugfarþegum í Spánarflugi um 40 prósent fyrir árið 2030. Eddie Wilson, framkvæmdastjóri Ryanair DAC, stærstu einingar samsteypunnar, greindi frá þessu á fundi í Madríd nú í vikunni. Hann sagði að á þessu ári væri gert ráð fyrir að félagið flytti 55 milljónir farþega til Spánar en stefnt væri að því að flytja 77 milljónir 2030. Hinsvegar notaði hann tækifærið til að þrýsta á spænsk stjórnvöld um að hækka ekki flugvallagjöld eins og ráðgert er.

Flugvél Ryanair DAC – MYND: Ryanair

Oscar Puente, samgönguráðherra Spánar, sagði nefnilega nýverið að 4,09 prósenta gjaldskrár hjá flugvallarekandanum AENA, sem er í ríkiseigu, í mars næstkomandi væri óhjákvæmileg – enda væri verðið þá engu að síður lægra en fyrir heimsfaraldur.

Wilson sagði að loforð um fjárfestingu Ryanair á Spáni miðaðist við að ekki yrði af gjaldskrárhækkunum fyrr en 2026 til 27. Það er því augljóst að Ryanair vill með þessu þrýsta enn frekar á ríkisstjórn Spánar um að halda aftur af gjaldskrárhækkunum.

Innan Ryanair-samsteypunnar eru flugrekstrareiningarnar Ryanair DAC, Ryanair UK, Buzz, Lauda og Malta Air.

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …