Hreinar leigutekjur Reita á þriðja ársfjórðungi jukust um nærri þrjátíu prósent á milli ára og námu 2,2 milljörðum króna samkvæmt afkomuviðvörun sem fasteignafélagið sendi frá sér. Þar segir að sterkur ferðamannastraumur á síðari hluta sumarsins hafi skilaði meiri tekjum en félagið hafði gert ráð fyrir.
Í svari við fyrirspurn Túrista þá útskýrir Einar Þorsteinsson, fjármálastjóri Reita, að auknar tekjur af hótelunum megi rekja til veltutengingar á leigusamningum sem hafi verið innleidd vegna Covid-19 faraldursins. Hann segir hins vegar að ekki sé ekki búið að stíga nein almenn skref í veltutengingum á leigukjörum hótela.
Hótel Borg, Nordica Hilton, Hótel Ísland og Hótel Natúra eru öll starfrækt í fasteignum í eigu Reita. Og stjórnendur þess hafa áður gefið út að þeir reikni með leigutekjur af hótelunum verði nálægt því sem var fyrir heimsfaraldurinn frá og með þessum síðasta fjórðungi ársins.
