Samfélagsmiðlar

Svikamylla leigubílstjóra í New York upprætt

Tæpar tvær milljónir farþega hafa verið snuðaðar af leigubílstjórum í New York síðustu tvö ár. Með því að ýta á einn hnapp á gjaldmælinum gátu bílstjórarnir rukkað hærri taxta en leyfilegt var. Þannig höfðu þeir aukalega nokkra dollara út úr túrnum. Þrjátíu og fimm þúsund leigubílstjórar í borginni tóku þátt í svindlinu.

Upp komst um glæpinn þegar læknir einn kvartaði til eftirlitsstofnunnar í borginni þegar hann þurfti að borga sjö dollara fyrir skutl sem kostaði vanalega fimm. Við rannsókn á málinu kom í ljós að bílstjórinn hafði vísvitandi rukkað utanbæjartaxta en kílómetragjaldið er þá töluvert hærra en það er í innanbæjarakstri. Læknirinn var hins vegar ekki sá fyrsti sem varð fyrir barðinu á þessum ökumanni því hann hafði grætt aukalega sem samsvarar tæpum fimm milljónum króna á þennan hátt á hálfs árs tímabili. Skúrkurinn hefur verið sviptur leyfinu samkvæmt frétt New York Post.

Talið er að alls hafi 1,8 milljónir farþega borgað of hátt verð fyrir þjónustu leigubíla í New York síðustu ár vegna samskonar mála. Nánast allir bílstjórar borgarinnar eru grunaðir um græsku. Þrjú þúsund þeirra nýttu sér þetta trix að staðaldri og munu þeir fá sektir eða missa leyfið.

Mynd: Wikicommons

TENGT EFNI: Einföld gisting í flottum umbúðum í New York 

 

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …