Samfélagsmiðlar

Öllum boðið í brúðkaup í Stokkhólmi

Á laugardaginn dregur einkaþjálfarinn Daníel Westling hring á fingur Viktoríu krónprinsessu. Yfir því kætast Svíar þessa dagana og efna til mikillar veislu.

Glaumur og gleði í tilefni af brúðkaupi sænsku prinsessunnar
Konungleg brúðkaup þykja mikil tíðindi meðal hinna konungssinnuðu frændþjóða okkar í Skandinavíu. Þannig flyktist fólkið til Kaupmannahafnar þegar Friðrik krónprins gekk að eiga hina áströlsku Mary fyrir sex árum síðan. Nú er röðin komin að Stokkhólmi að hýsa konunglega brúðkaupsveislu. Á laugardaginn ganga nefnilega þau Daníel og Viktoría upp að altarinu í Storkyrkan og játa hvort öðru ást sína. Brúðurin er ríkisarfi og mun því að föður sínum gengnum setjast í hásætið í konungshöllinni við Gamla Stan. 

Frá því í síðustu viku hefur staðið yfir skipulögð skemmtidagskrá í sænska höfuðstaðnum og aðgangur að flestum atburðunum er ókeypis.  Það er því tilvalið fyrir þá sem eiga erindi til Stokkhólms um helgina að kynna sér dagskrárliðina á sérstakri heimasíðu ferðamálaráðs borgarinnar. Þar ættu allir að finna eitthvað við sitt hæfi enda er prógrammið fjölbreytt.

Hátíðarhöldin ná auðvitað hámarki á laugardag og þá má búast við því að það verði víðar kátt en í höllinni.

NÝJAR GREINAR: Úthugsuð Lundúnarhótel á góðu verði
TENGDAR GREINAR: Höll danska krónprinsins öllum opin

Mynd: Jens Assur / Love Stockholm
Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …