Samfélagsmiðlar

Ekkert hass fyrir ferðamenn

Hollenskum kaffihúsum sem selja kannabisefni verður bannað að afgreiða útlendinga ef Evrópudómstóllinn tekur undir álit aðallögmanns ESB.

Ferðamenn í hassvímu valda miklum vanda í Hollandi. Af þeim sökum hefur lengi verið um það rætt í landinu hvort banna eigi útlendingum að sækja hin sérstöku kaffihús þar sem má kaupa og neyta marijúana og hass. Yfirvöld í borginni Maastricht ákváðu að fara þá leið og í rökstuðningi fyrir banninu kemur fram að hassreykingar útlendinga valdi ringulreið í samfélaginu og séu gróðrarstía fyrir sölu á harðari efnum.

Einn kaffihúsaeigandi þar í borg virti hins vegar bannið að vettugi og greip lögreglan hann tvisvar sinnum glóðvolgan við að afgreiða útlenska kúnna. Kaffihúsið var því svipt starfsleyfinu. Í kjölfarið kærði vertinn málið og eftir nokkra ára bið er það komið á borð Evrópudómstólsins samkvæmt frétt Politiken í Danmörku.

Dómstóllinn leitar ávallt álits aðallögmanna ESB um þau mál sem fyrir réttinn koma og niðurstaða lögmannsins liggur nú fyrir. Hann telur að bæjaryfirvöld í Maastricht hafi verið í fullum rétti þegar þau settu bannið þar sem fíkniefni falli ekki undir lög Evrópusambandsins um frjálst flæði vara.  Þess vegna megi setja um þau sérstakar reglur.

Það kemur sennilega í ljós undir lok árs hvort dómstóllinn tekur undir þetta álit aðallögmannsins en þangað til geta ferðamenn keypt hass á hinum frægu „Coffeeshops“ um allt Holland nema í Maastricht.

NÝJAR GREINAR: Verða sér til skammar á lúxushótelumHuggulega höfuðborgin
TILBOÐ: 15% afsláttur á hóteli í Amsterdam

Mynd: Andrijbulba (Creative Commons)

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …