Samfélagsmiðlar

Hótel Ikea í Smálöndunum

 

Í þá daga þegar Ikea búðirnar voru bara tvær komu viðskiptavinirnir oft langt að. Það var því ekki annað að gera en að reisa hótel á bílastæðinu til að gera innkaupaferðina auðveldari.

Nokkrum árum eftir að fyrsta Ikea búðin opnaði í bænum Älmhult, í suðurhluta Svíþjóðar, voru vinsældir hennar það miklar að fólk streymdi þangað frá öllum landshlutum. Bærinn var hins vegar ekki undir þetta ferðamannaflóð búinn og því var opnað mótel, að amerískri fyrirmynd, við enda bílastæðisins.

Nærri því fjörtíu árum síðar eru Ikea vöruhúsin orðin nærri því óteljandi og ekki svo margir sem þurfa að leggja á sig langt ferðalag í Ikea. Hótelið er engu að síður enn á sínum stað þó stærsti hluti gestanna séu starfsmenn keðjunnar sem mættir eru til Älmhult til að fræðast um það nýjasta í heimi sænska húsgagnarisans.

Allir innanstokksmunir hótelsins eru að sjálfsögðu framleiddir í verksmiðjum eigandans og uppskriftirnar á matsölustaðnum eru fastakúnnum Ikea að góðu kunnar. Það þarf því ekki að koma á óvart að gistingin er frekar ódýr (frá 725 sænskum krónum).

Ferðamenn á leið um sænsku Smálöndin sem vilja fá góðan nætursvefn á Sultan dýnu og hengja fötin sín inn í Pax skáp eru því í góðum málum á Ikea hótelinu.

NÝJAR GREINAR: Ódýr og grænblá hótel í Þýsklandi
TILBOÐ: Afsláttur fyrir lesendur Túrista á gistingu í Kaupmannahöfn
 

Mynd: IKEA hotell / Värdshuset

 

 

 

 

 

 

 

 

 

 

 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …