Samfélagsmiðlar

Tívolí opnar hótel við götu Árna Magnússonar

Tívolí í Kaupmannahöfn opnaði í dag hótel í seilingarfjarlægð frá sjálfum skemmtigarðinum. Fyrir okkur Íslendinga eru það þó merkilegri tíðindi að hótelið stendur við nýja götu sem nefnd er eftir Árna Magnússyni handritasafnara.

Á nýjasta hótelinu í Kaupmannahöfn geta gestirnir upplifað einskonar tívolístemmningu frá morgni til kvölds. Maturinn, innréttingarnar og afþreyingin er öll í anda skemmtigarðsins vinsæla sem stendur í eins kílómetra fjarlægð frá þessari tólf hæða byggingu. Tívolíhótelið er hefðbundið þemahótel eins og ósjaldan standa við vinsæla skemmtigarða. Eigendur Tívolí hafa lengi látið sig dreyma um að opna eitt slíkt í garðinum sjálfum við hlið Ráðhústorgsins. Borgaryfirvöld hafa hins vegar ekki verið hrifin af þeirri hugmynd. Því var hótelinu fundinn staður við nafnlausa götu á svæði við lestarstöðina sem þá var verið að endurskipuleggja.

Arni Magnussons gade verður til

Stjórnendur skemmtigarðsins lögðu til að gatan sem hótelið stendur við yrði kölluð Tívolítorg. Sú hugmynd var hins vegar kolfelld í skipulagsráði borgarinnar og síðar var samþykkt tillaga um að hún yrði nefnd í höfuðið á Árna okkar Magnússyni, Arni Magnussons gade. Upphaflega átti reyndar að sleppa fornafninu. Ástæðan fyrir því að þetta nafn varð fyrir valinu er sú að hverfið sem verið er að reisa á svæðinu er byggt í kringum ný húsakynni danska ríkisskjalasafnsins. Það þótti því viðeigandi að nefna allar göturnar í höfuðið á þekktum rannsóknar- og vísindamönnum. En Árni var prófessor við Kaupmannahafnarháskóla á meðan hann safnaði saman íslensku handritunum eins og segir í rökstuðningi skipulagsnefndar Kaupmannahafnar fyrir nafngiftinni.

Miði í Tívolí fylgir herberginu

Það er ekki ódýrt að gista á nýja hótelinu. Herbergi fyrir fjögurra manna fölskyldu kostar rúmar tvö þúsund danskar og innifalið í verðinu er miði í Tívolí og öll þau tæki sem þar eru. 

Heimasíða Tívolí hótelsins.

TILBOÐ: 10% afsláttur fyrir lesendur Túrista á hótelgistingu í Kaupmannahöfn

Mynd: Tivoli hotel

 

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …