Samfélagsmiðlar

10 ódýrustu lyftukortin í Ölpunum

skidalyfta

Það kostar 23.000 krónur að renna sér í sex daga í brekkunum við ítalska skíðastaðinn Foppolo í Ölpunum. Ódýrara gerist það ekki í fjallgarðinum.

Alparnir eru vinsæll áfangastaður skíðaáhugafólks og þangað setja vafalítið margir stefnuna á næsta ári. Verðlagið er þó misjafnt á þessum slóðum eins og ítarleg verðkönnun sænska skíðaritsins Freeride.se leiddi í ljós. Þar voru kannaðir prísar á sex daga lyftukortum á 80 skíðastöðum í Sviss, Austurríki, Ítalíu og Frakklandi. Slóvenía og Lichteinstein voru ekki tekin með í reikninginn hjá Svíunum.

Munurinn á þeim ódýrasta og dýrasta er næstum því tvöfaldur því þeir sem kaupa kort á svissneska staðnum Les 4 Vallées Mont-Fort greiða rúmlega fjörtíu og fjögur þúsund en þeir sem gera sér að góðu ítalska skíðabæinn Foppolo borga tuttugu og þrjú þúsund krónur eins og sjá má á listanum hér fyrir neðan.

10 ódýrustu sex daga lyftukortin samkvæmt verðathugun Freeride.se*:

  1. Fobbolo, Ítalía: 23.000 krónur
  2. Mürren, Sviss: 23.321 krónur
  3. Sainte Foy, Frakkland: 23.321 krónur
  4. Grindelwald, Sviss: 24.792 krónur
  5. Grimentz, Sviss: 25.616 krónur
  6. Saint Sorlin, Sviss: 25.616 krónur
  7. Alpach, Austurríki: 27.086 krónur
  8. Madesina, Ítalía: 27.086 krónur
  9. La Thuile, Ítalía: 28.072 krónur
  10. Bormio, Ítalía: 29.040 krónur
    *Öll verð eru umreiknuð frá sænskum yfir í íslenskar krónur 21.des.

Á heimasíðu Freeride.se má finna verð á 80 skíðastöðum í Ölpunum

TENGDAR GREINAR: Skíðaferð til útlanda á gamla genginuKrefjast ódýrari bjórs í brekkunum
NÝJAR GREINAR: Stærsta völundarhús í heimi og landsins bestu kartöflur

Mynd: Jurvetson/Creative Commons

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …