Samfélagsmiðlar

Tilboð á gistingu í Kaupmannahöfn

Tvö tilboð fyrir þá sem eru á leið til Kaupmannahafnar og vantar hótel.

Íslenskir ferðamenn eru alla jafna fjölmargir í Kaupmannahöfn og heimsóknum okkar þangað hefur fjölgað aftur eftir þónokkra lægð í kjölfar hrunsins.

Tvö hótel í gömlu höfuðborginni bjóða lesendum Túrista sérstök kjör.

10 prósenta afsláttur

Ódýrara hótelið heitir Hotel Sct. Thomas og er að finna rétt fyrir utan miðborg Kaupmannahafnar, við eina fallegustu götu borgarinnar Frederiksberg Allé. Þar skammt frá er að finna helstu sælkeragötu bæjarins, Værnedamsvej þannig að staðsetning er góð þó taka verði strætó í átt að Strikinu eða labba í tuttugu mínútur eða svo.

Eins manns herbergi á þessu þriggja stjörnu hóteli kosta frá 525 dönskum (um 11 þúsund íslenskar) og tveggja manna 645 danskar (um 14 þúsund íslenskar). Lesendur Túrista fá svo 10 prósent afslátt á gistingunni með því að skrifa heiti síðunnar í bókunarformið á heimasíðu hótelsins. Sjá nánar hér.

Frír 2000 króna morgunmatur

Rétt við Ráðhústorgið stendur virðuleg bygging sem hýsir hið nýuppgerða Hotel Kong Frederik. Staðsetningin er því mjög góð og ekki er það verra að nýlega er búið að taka allt innahúss í gegn. Veitingastaður hótelsins var opnaður uppá nýtt í síðasta mánuði og þar er gert út á klassíska ítalska rétti. Morgunmatur hótelsins er borinn á borð á þessum ítalska stað og það er einmitt morgunverðarhlaðborðið, sem kostar 100 danskar á mann, sem lesendur Túrista fá í kaupbæti þegar þeir bóka gistinguna beint á heimasíðu hótelsins. En verðin á heimasíðunni eiga að vera þau lægstu sem hægt er að finna.

Ódýrstu herbergin á Hotel Kong Frederik eru á rétt tæpar 800 danskar (um 17 þúsund íslenskar) en eru alla jafna nær þúsund dönskum eða meira. Hér má sjá hvernig bóka á tilboðið.

TENGDAR GREINAR: 5 bestu ódýru veitingastaðirnir í Köben
NÝJAR GREINAR: Bestu verslunarborgir Evrópu

Mynd: Hotel Kong Frederik

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …