Samfélagsmiðlar

Við fáum meira frí í ár

Rauðu dögunum fjölgar frá því í fyrra og það verður auðveldara að fara í langt frí í kringum næstu jól en þau síðustu. Það er því tilvalið að stinga af til útlanda á næstunni.

Fyrsti maí var á sunnudegi í fyrra og sumardagurinn fyrsti á skírdegi. Í þokkabót var jólafríið örstutt. Við fórum því á mis við nokkra frídaga á nýliðnu ári. Sem betur fer verða næstu tólf mánuðir hliðhollari launþegum en vinnuveitendum og næg tækifæri til að fara í langt helgarleyfi eða jólafrí án þess að vera lengi frá vinnu.

Fjórar langar helgar í vor

Sumardagurinn fyrsti er stuttu eftir páska í ár eða fimmtudaginn nítjánda apríl. Sú helgi er sú fyrsta af fjórum í vor þar sem hægt er komast til útlanda í nokkra daga og nota aðeins einn af orlofsdögunum. Hinar helgarnar eru í kringum 1. maí, uppstigningardag og hvítasunnu. Páskahelgin í byrjun apríl liggur að sjálfsögðu einnig vel við höggi.

Almennilegt jólafrí

Þeir sem eru snöggir til að biðja vinnuveitandann um leyfi 27. og 28. desesember geta tekið sér ellefu daga hlé frá vinnu yfir hátíðarnar. Sá sem ætlaði að leyfa sér annað eins á síðasta ári þurfti að fá frí í sex daga. Langt jólafrí er því mun raunhæfari kostur í ár en í fyrra.

Eins og sést er árið 2012 kjörið ferðaár, alla vega með hliðsjón af öllum frídögunum.

NÝJAR GREINAR: Ferðalag ferðatöskunnar án okkar
TENGDAR GREINAR: Ætlum að eyða meiru í utanlandsferðir

Mynd: © NYC & Company

Nýtt efni

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

Icelandair var stundvísasta flugfélag Evrópu í nýliðnum júní samkvæmt lista greiningafyrirtækisins Cirium. Að jafnaði voru 84 prósent ferða Icelandair á réttum tíma í síðasta mánuði sem er á pari við stundvísina í maí. Í öðru sæti á lista Cirum er Iberia Express og Iberia í þriðja sæti. SAS varð í fjórða og Finnair í fimmta …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …

„Ef maður vill færa út kvíarnar þá verður að taka áhættuna þegar „eina raunverulega" vöruhúsakeðjan í Evrópu er til sölu," segir Ayad Al-Saffar, stofnandi Axcent of Scandinavia, sem um helgina keypti belgíska verslunarfélagið Inno í félagi við fjárfestingafélagið Skel. Stjórnarformaður þess síðastnefnda er Jón Ásgeir Jóhannesson sem jafnframt fer fyrir meirihluta í fjárfestingafélaginu en Jón …

Kaupmannahafnarflugvöllur er fjölfarnasta flughöfn Norðurlanda og fóru hátt í 2,9 milljónir farþega þar um í júní eða ríflega þrefalt fleiri en um Keflavíkurflugvöll á sama tíma. Íslenski flugvöllurinn kemst þó á blað yfir vinsælustu áfangastaðina fyrir farþega í Kaupmannahöfn og er í níunda sæti á topplistanum fyrir júní. Í þeim mánuði nýttu 55.515 farþegar sér …

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …