Samfélagsmiðlar

Bandaríkjamenn slaka á eftirliti en Íslendingar ekki

Flugfarþegar sem eru eldri en 75 ára og yngri en 12 ára þurfa ekki að fara úr skóm þegar þeir fara í gegnum vopnaleit á bandarískum flugvöllum. Hér á landi er eitt látið yfir alla ganga.

Á Keflavíkurflugvelli þurfa allir farþegar að fara úr skóm í vopnaleitinni. Þetta eru strangari kröfur en gerðar eru í nágrannalöndunum líkt og Túristi greindi frá sl. haust. Þá kom fram að bandarískar reglur eru ein aðalástæðan fyrir þessari ítarlegu skoðun hér á landi.

Vestanhafs eru öryggisverðir á flugstöðvum hins vegar hættir að krefjast þess að eldra fólk og börn fari úr skóm þegar farið er í gegnum öryggishlið. „Samgönguöryggisstofnun Bandaríkjanna, TSA, vinnur að bættu öryggi og liður í að ná því markmiði er að hverfa frá þeirri reglu að setja alla farþega undir sama hatt…“, segir í svari Kawika Riley, talskonu TSA við fyrirspurn Túrista. „Með því að straumlínulaga ferlið fyrir þann hóp farþega sem er talinn áhættuminni þá gefst TSA færi á að einbeita sér að hópnum sem meiri hætta gæti stafað af“, segir ennfremur í svari Riley. Hún segir þetta nýja verklag hafa verið prófað á sex bandarískum flugvöllum í ágúst í fyrra og í kjölfarið hafi reglunum verið breytt á landsvísu.

Óbreytt eftirlit í Keflavík

„Við höfum ekki heyrt um slíka framkvæmd á flugverndarskimun í Bandaríkjunum enda er farþegi alltaf skilgreindur sem farþegi burtséð frá aldri og skimun miðast við að hindra að ólögleg efni komist um borð í loftfar farþegum til öryggis. Framkvæmdin gæti jafnvel verið misjöfn eftir flugvöllum og ríkjum í BNA“, segir í svari Friðþórs Eydal, talsmanns Isavia við fyrirspurn Túrista um hvort reglan hér sé enn að skanna skó allra farþega þó reglunum hafi verið breytt vestanhafs. En það er Isavia, en ekki íslensk flugmálayfirvöld, sem ákveða hvaða reglur gilda á Keflavíkurflugvelli.

„Skór eru skimaðir sérstaklega hjá öllum farþegum til þess að samræma reglur EB og TSA og einnig til þess að flýta framkvæmdinni. Reynslan sýnir að þessi aðferð leiðir til minni tafa fyrir farþega en þegar beita þarf sértækri skimun í hvert sinn sem líkamsskanni nemur málma í skóm auk þess sem reglur kveða á um alltíðar skyndikannanir á skóm“, segir ennfremur í svari Friðþórs.

Þess ber að geta að líkamsskannar eru í öryggishliðum á bandarískum flugvöllum en þeir hafa ekki náð útbreiðslu í Evrópu. Þannig tæki eru ekki notuð hér á landi.

Fylgstu með Túrista á Facebook

TENGDAR GREINAR: Skoðum skó betur en aðrirKeflavíkurflugvöllur meðal 100 bestu í heimi

Mynd: Icelandair

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …