Samfélagsmiðlar

Borgar sig ekki alltaf að bóka með fyrirvara

Ef bókað er í dag far til London með Iceland Express eftir fjórar vikur kostar það minna en ef það hefði verið keypt fyrir fyrir tveimur mánuðum. EasyJet er dýrara en öll íslensku félögin í ágúst.

Það er mögulegt að fá far til London og tilbaka eftir fjórar vikur á 31.400 krónur með Iceland Express. Ef flugið hefði verið bókað 21. mars sl. þá hefði WOW air verið ódýrasti kosturinn og verðið 39.544 krónur. Fargjaldið hefur s.s. lækkað um fimmtung þær átta vikur sem liðnar eru frá verðkönnun Túrista í mars. Farið til London með Icelandair hefur hins vegar tvöfaldast í verði og hjá easyJet nemur hækkunin 17 prósent. WOW air stendur í stað.

Kaupmannahöfn dýrari nú en í mars

Þegar skoðuð er þróun fargjalda til Kaupmannahafnar og tilbaka þá hafa þau hækkað hjá öllum þremur aðilunum sem bjóða upp á ætlunarflug til borgarinnar í sumar. WOW air er hefur hækkað minnst eins og sjá má á töflunni hér að neðan. Í þessum mánaðarlegu könnunum Túrista eru fundin lægstu fargjöldin, báðar leiðir, til Kaupmannahafnar og London innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar.

Fargjöld, báðar leiðir, til Kaupmannahafnar í viku 24 (11.-17.júní) ef bókað með tólf vikna fyrirvara og fjögurra vikna.

KaupmannahöfnBókað í dagBókað 21. marsVerðmunur
Iceland Express39.558 kr.34.558 kr.14%
Icelandair46.950 kr.39.190 kr.20%
WOW air36.740 kr.34.527 kr.6%

Fargjöld, báðar leiðir, til London í viku 24 (11.-17.júní) ef bókað með tólf vikna fyrirvara og fjögurra vikna.

LondonBókað í dagBókað 21. marsVerðmunur
easyJet*46.983 kr.40.175 kr.17%
Iceland Express31.400 kr.40.081 kr.-22%
Icelandair86.400 kr.43.150 kr.100%
WOW air39.019 kr.39.544 kr.-1%

easyJet dýrast í ágúst

Í verðkönnun Túrista sem gerð var í dag á fargjöldum eftir fjórar og tólf vikur til Kaupmannahafnar og London kemur í ljós að easyJet er dýrast í viku 32 (6.-12.ágúst). Þar á bæ eru rukkaðar rúmar 56 þúsund krónur fyrir farið og eina innritaða tösku. Iceland Express er hins vegar um 20 þúsund krónum ódýrara en easyJet ef flogið út til Stansted flugvallar og heim frá Gatwick. Sjá niðurstöður á næstu síðu (smellið hér).

Mynd: Ty Stange – Copenhagen Media Center

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …