Samfélagsmiðlar

Íslendingar sýna easyJet minni áhuga

Þegar breska lággjaldaflugfélagið easyJet hóf flug hingað til lands í vor sögðu talsmenn þess að helmingur pantana kæmi frá Íslandi. Fimm mánuðum síðar er hlutfall farþega félagsins, sem hefja ferðalagið hér á landi, komið niður í þriðjung.

Það er útlit fyrir að dregið hafi úr eftirspurn Íslendinga eftir farmiðum breska flugfélagsins easyJet. Þegar félagið hóf áætlunarflug milli Keflavíkur og London í mars sögðu talsmenn þess að bókanir á flugleiðinni skiptust jafnt milli áfangastaðanna tveggja. Fimm mánuðum síðar er staðan sú að þriðjungur farþega félagsins hefur ferðalagið á Íslandi. Þetta kemur fram í svari upplýsingafulltrúa félagsins við fyrirspurn Túrista. Hún segir þó að Íslandsflugið gangi vel og reiknað sé með að hlutfall Íslendinga í vélum félagsins eigi eftir að aukast.

Næstdýrasti kosturinn

Fargjöld easyJet eru kannski ástæðan fyrir því að vægi farþega héðan er minna en útlit var fyrir í lok vetrar. Mánaðarlegar verðkannanir Túrista hafa nefnilega sýnt að Iceland Express og WOW air bjóða alla jafna upp á ódýrari fargjöld en easyJet til London. Í nýjustu könnuninni, sem var gerð var fyrir tveimur vikum, kom þó í ljós að breska félagið hafði lækkað fargjöld sín í annarri viku ágústmánaðar um fimmtung. Þeir sem bókuðu far með easyJet í þessari ákveðnu viku með 12 vikna fyrirvara borguðu tæpar 57 þúsund krónur fyrir. Átta vikum síðar hafði farið lækkað um tíu þúsund krónur. Minnkandi eftirspurn hér á landi eftir flugmiðum easyJet kann að vera ástæðan fyrir verðlækkuninni.

Fylgstu með Túrista á Facebook

TENGDAR GREINAR: Ekki svo einfalt með easyJetÍslendingar eru helmingur farþegaEasyJet ferð góð kjör á Keflavíkurflugvelli

Mynd: easyJet

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …