Það er flogið beint frá Íslandi til tveggja af þeim tíu borgum sem skipa listann yfir þær ódýrustu þegar kemur að hótelgistingu.
Verðlag í Asíu er alla jafna hagstætt fyrir vestræna ferðamenn. Það kemur því ekki á óvart að borgir í þessum heimshluta raða sér í flest sæti á lista hótelbókunarsíðunnar Hotels.com yfir þá staði þar sem gisting kostar minnst.
Hvergi er meðalverðið lægra en í höfuðborg Víetnam, Hanoi. Þar borga hótelgestir að jafnaði 6700 krónur fyrir herbergið samkvæmt þeim pöntunum sem gerðar eru í gegnum Hotels.com.
Lágt verð í Vilníus
Iceland Express hóf að fljúga til höfuðborgar Liháen í sumar. Þeir Íslendingar sem hafa nýtt sér það í sumar hafa sennilega ekki þurft að borga meira en rúmar níu þúsund krónur fyrir gistingu í borginni. Það er aðeins minna en ferðamenn borga í Riga í Lettlandi og í Búdapest. En þessar þrjár borgir eru fulltrúar Evrópu á listanum.
Orlandó ódýrust vestanhafs
Bandaríkin eiga einn fulltrúa í hópi þeirra ódýrustu. Það er Orlandó á Flórída en borgin er mörgum Íslendingum kunn því Icelandair hefur boðið upp á reglulegar ferðir þangað um langt árabil.
Ódýrustu hótelborgirnar og meðalverðið
- Hanoi í Víetnam (6700 kr.)
- Manilla á Filipseyjum (8750 kr.)
- Vilníus í Lítháen (9100 kr.)
- Peking í Kína (9250 kr.)
- Sharm el-Sheikh í Egyptalandi (9300 kr.)
- Bangkok í Taílandi (9500 kr.)
- Riga í Lettlandi (9650 kr.)
- Orlandó í Bandaríkjunum (10.200 kr.)
- Búdapest í Ungverjalandi (10350 kr.)
- Sjanghæ í Kína (10500 kr.)
TENGDAR GREINAR: Dýrustu og ódýrustu borgirnar eftir að dimma tekur
Mynd: Túristi
