Samfélagsmiðlar

Hingað getur þú flogið beint í vetur

Það verður boðið upp á áætlunarflug til 30 borga frá Keflavík í vetur. Hér eru þær allar og upplýsingar um hvernig þú kemst á staðinn.

Ferðaglaðir Íslendingar ættu að geta fundið eitthvað við sitt hæfi á vetrardagskrá þeirra sex félaga sem halda úti áætlunarflugi frá Keflavík í vetur. Áfangastaðirnir eru þrjátíu talsins og hafa tveir þeirra ekki áður verið á vetrardagskrá Keflavíkurflugvallar. Það er bandaríska borgin Denver og Salzburg í Austurríki. Tilkoma þeirra ætti að gleðja skíðaáhugafólk því þær eru báðar í nágrenni við þekktustu skíðasvæði veraldar.

Á þremur flugleiðum ríkir meiri samkeppni en við eigum að venjast. Þannig munu fjögur félög keppa um farþega til og frá London, þrjú um hylli þeirra sem ætla til Oslóar og tvö fara til Kaupmannahafnar.

Borgirnar 30:

Alicante

Þeir eru greinilega margir hér á landi sem lengja sumarið með því að dvelja á suðurhluta Spánar í byrjun hausts. Þangað fljúga því Iceland Express, Icelandair og WOW air fram til loka október.

Amsterdam

Höfuðborg þessa litla en þéttbýla lands hefur lengi verið hluti af leiðarkerfi Icelandair. Félagið flýgur þangað daglega í haust en fækkar ferðum niður í þrjár til fimm í vetur.

Barcelona

Spænski boltinn byrjar að rúlla í lok sumars og því miður fyrir fótboltaunnendur þá hefur áætlunarflug til borgarinnar hætt á sama tíma. En í ár lengir Iceland Express tímabilið örlítið og flýgur til Barcelona fram í miðjan október. Það er því séns að fljúga beint á Camp Nou í haust.

MEIRA UM BARCELONA: Vegvísir fyrir Barcelona

Bergen

Bæjarstæði Bergen er ákaflega fallegt. Fjörðurinn og fjöllin setja sterkan svip á þessa huggulegu borg. Fiskmarkaðurinn við bryggjuna er svo eitthvað sem borgaryfirvöld í Reykjavík mættu apa eftir. Icelandair flýgur þrisvar í viku til Bergen í vetur.

Berlín

Höfuðstaður Þýskalands er orðinn vinsælasti áfangastaður Dana á leið í borgarferð. Hylli Berlínar meðal Íslendinga er ekki jafn mikil. Það á kannski eftir að breytast enda leit að vestrænni heimsborg þar sem verðlagið er jafn gott. WOW air ætlar að fljúga til borgarinnar tvisvar í viku í vetur en Iceland Express tekur pásu á Berlínarflugi sínu í lok október og tekur upp þráðinn að nýju í enda mars.

Billund

Það búa þúsundir Íslendinga á Jótlandi og því margir sem fagna því að geta flogið til beint til Billund í stað þess að millilenda í Kaupmannahöfn eða Hamborg á leið til fjölskyldu og vina. Icelandair flýgur til heimaborgar Lego fram í lok október.

MEIRA UM BILLUND: Besti veitingastaður Norðurlanda

Boston

Borgin sem laðar til sín fjömarga verslunarglaða Íslendinga er á dagskrá Icelandair í vetur. Það er þó þess virði að taka sé pásu frá búðarápinu og kynna sér allt hitt sem borgin hefur upp á að bjóða.

Brussel

Matgæðingar komast í feitt í þessari fallegu borg sem á alls ekki skilið titilinn „Leiðinlegasta höfuborg Evrópu“. Jafnvel þó diplómatar séu þar fleiri en góðu hófu gegni. Icelandair býður upp á flug til höfuðborgar Belgíu fram í lok október.

Denver

Þessi nýjasti áfangastaður Icelandair verður vafalítið vinsæll meðal skíðaáhugafólks hér á landi. Klettafjöllin, sem standa þétt að baki Denver, hafa að geyma nokkur af þekktustu skíðasvæðum heims, t.d Aspen og Vail.

MEIRA UM DENVER: Borg í góðum tengslum við náttúruna

Frankfurt

Icelandair flýgur allt árið um kring til fjármálamiðstöðvar Þýskalands. Þaðan er svo auðvelt að finna flug til fjölmargra stærri og minni borga Evrópu.

Glasgow

Það tekur aðeins tvo tíma að fljúga í fang hina vinalegu Skota. Fjórum sinnum í viku fara vélar Icelandair til borgarinnar þar sem úrvalið í búðunum þykir gott og knæpurnar gleðja margan ferðamanninn.

Halifax

Fram í byrjun október er hægt að taka hús á íbúum Halifax og nágrennis. Það er Icelandair sem sér um ferðirnar líkt og undanfarin ár.

Helsinki

Höfuðborg Finnlands er hönnunarborg Evrópu í ár og því kjörinn áfangastaður fyrir þá sem vilja skoða verk skapandi fólks. Borgin var valin byggilegasta borg heims í fyrra og lífsgæðin eru því mikil meðal frænda okkar. Icelandair flýgur til borgarinnar fram að áramótum

SMELLIÐ HÉR: FRAMHALD Á NÆSTU SÍÐU

 

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …