Samfélagsmiðlar

Airberlin dregur úr Íslandsflugi

Annað stærsta flugfélag Þýskalands hættir flugi milli Keflavíkur og Stuttgart en verður áfram umsvifamesta erlenda félagið hér á sumrin.

Áttunda árið í röð ætlar Airberlin að fljúga hingað til lands yfir sumartímann. Á næsta ári verða áfangastaðirnir í Þýskalandi fjórir talsins en ekki fimm líkt og síðustu ár því félagið ætlar ekki að fljúga héðan til Stuttgart. Það verða því aðeins German Wings og WOW air sem bjóða upp á ferðir til þessarar sjöttu stærstu borgar Þýskalands.

Airberlin mun hins vegar fljúga héðan til Berlínar fjórum sinnum í viku , þrisvar til Dusseldorf og Munchen og tvisvar til Hamborgar. Samtals verða ferðirnar því tólf á viku sem er meira en önnur erlend félög bjóða upp á hér á landi yfir sumarmánuðina.

Mikill meirihluti Þjóðverja

Jana Andresen, talskona Airberlin, segir í samtali við Túrista að forsvarsmenn félagsins séu ánægðir með undirtektirnar sem flugið til Íslands hefur fengið. Hún segir þó mikinn meirihluta farþeganna vera Þjóðverja. Aðspurð um hvort Airberlin íhugi flug til Íslands yfir veturinn segir hún að leiðakerfi félagsins sé sífellt til endurskoðunar en á næsta ári verði aðeins í boði flug yfir aðalferðamannatímann.

Allar brottfarir Airberlin frá Keflavík eru eftir miðnætti og því lenda vélarnar snemma morguns í Þýskalandi. En eins og Túristi fjallaði nýverið um þá fjölgaði næturflugum frá Leifsstöð mikið í sumar.

Dótturfélag Airberlin, FlyNiki, heldur Vínarflugi sínu hingað áfram næsta sumar.

TENGDAR GREINAR: Íslandsflug þýsku félaganna gekk vel

Mynd: Víkurfréttir

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …