Samfélagsmiðlar

Mega ekki kalla sig flugfélag

Nýtt norskt ferðaþjónustufyrirtæki sem ætlar að starfa í anda Iceland Express og WOW air má ekki kalla sig flugfélag að mati þarlendra yfirvalda.

Það er ekki nóg að hafa farþegaþotur á leigu til að mega kalla sig flugfélag í Noregi. Þetta er niðurstaða norskra flugmálayfirvalda sem hafa bannað forsvarsmönnum FlyNonStop að kynna félagið sem flugfélag í markaðsefni sínu samkvæmt tilkynningu á vef Luftfartstilsynet. FlyNonStop hefur starfssemi á næsta ári og mun bjóða upp á áætlunarferðir til nokkurra áfangastaða frá Kristiansand í suðurhluta Noregs. Félagið hefur leigt þotur til rekstursins en ætlar ekki að gerast flugrekandi. Þetta er álíka rekstrarmódel og Iceland Express og WOW air nota.

Segjast vera flugfélög í útlöndum en ekki heima

Iceland Express hyggst fljúga til Noregs á næsta ári og má því væntanlega ekki markaðssetja sig sem flugfélag þar í landi. Á danskri og sænskri heimasíðu sinni er Iceland Express sagt flugfélag en ekki er tekið jafnt djúpt í árinni á íslenskri heimasíðu þess. Þar segir aðeins að fyrirtækið haldi uppi áætlunarflugi. Á enskri heimasíðu WOW air er fyrirtækið kynnt sem nýtt íslenskt flugfélag en á þeirri íslensku er það sagt vera nýtt á sviði ferðaþjónustu. Það gætir því töluverðs ósamræmis hjá félögunum í kynningu á sjálfum sér innanlands eða utan.

Fylgstu með Túrista á Facebook

NÝJAR GREINAR: Tengiflug í súginn vegna seinkunar

 

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …