Samfélagsmiðlar

Ferðaminningar Brynhildar Pétursdóttur

Á ferð sinni til Tókýó rakst oddviti Bjartrar framtíðar í Norðausturkjördæmi á japanska prinsessu og fræddi hana um bækur eins þekktasta heiðursborgara Akureyrar. Brynhildur Pétursdóttir deilir hér nokkrum ferðasögum með lesendum.

Fyrsta ferðalagið til útlanda:

Þegar ég var 9 ára fórum við fjölskyldan í 3 mánaða ferðalag. Fyrst var keyrt á Seyðisfjörð í forláta Lödu og siglt til Færeyja og þaðan til Skotlands. Síðan var keyrt um Evrópu í einn mánuð og gist á tjaldsvæðum hingað og þangað. Frændfólk mitt að norðan var með í för og til að tryggja að við myndum ekki týna hvort öðru voru talstöðvar í báðum bílum sem stundum þurfti að grípa til. Við enduðum síðan í Svíþjóð þar sem við dvöldum í 2 mánuði.

Það sem ég geri til að láta tímann líða hraðar í flugvélinni:

Les eða horfi á þætti og myndir.

Best heppnaða utanlandsferðin:

Erfitt að gera upp á milli en ég býst við að vikan sem ég dvaldi í Tókýó með manninum mínum í miðju bankahruni 2008 sé með betri ferðum.

Tek alltaf með í fríið:

Vegabréf og kreditkortið. Þá er ég fær flestan sjó.

Vandræðalegasta uppákoman í útlöndum:

Ætli það hafi ekki verið þegar ég tók vitlausa ferðatösku á flugvelli, gott ef ekki í Brussel. Einhverra hluta vegna voru töskurnar teknar út úr vélinni á planinu og í myrkrinu tek ég tösku sem líkist minni. Eftir að hafa þrætt langa ganga er allt í einu kippt í mig og þá er það bálreiður eigandi töskunnar. Þá upphófst mikil leit að minni tösku sem fannst um síðir.

Besti maturinn sem ég hef smakkað á ferðalagi:

Allur matur sem ég hef borðað á Ítalíu er góður, get ekki gert upp á milli máltíða.

Uppáhalds staðurinn í útlöndum:

Það eru svo margir heillandi staðir til sem betur fer. Ætli ég segi ekki bara Suður-Evrópa eins og hún leggur sig.

Það sem er mikilvægast á hótelherberginu:

Gott rúm og snyrtilegheit.

Draumafríið:

Akkúrat núna væri ég til í að skipuleggja ferð með fjölskyldunni til Città delle Pieve sem er lítill bær í Úmbría héraði á Ítalíu. Vinur minn Stefano rekur þar gistingu ásamt stórfjölskyldunni og við heimsóttum hann árið 2006 og féllum alveg fyrir staðnum.

 

 

 

 

 

 

 

 

 

 

 

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …