Það gekk ekki nógu vel að halda áætlun á Keflavíkurflugvelli undir lok ársins.
Þeir sem flugu til og frá landinu síðustu tvær vikur ársins þurftu að sýna meiri biðlund en farþegar þurfa almennt á Keflavíkurflugvelli. Töluvert var um seinkanir á tímabilinu og aðeins um sjö af hverjum tíu ferðum héldu áætlun samkvæmt stundvísitölum Túrista fyrir seinni hluta desember. Hjá WOW air komu og fóru vélarnar á réttum tíma í 73 prósent tilvika en hlutfallið hjá félaginu var rúmlega 90 prósent í nóvember. Sömu sögu er að segja um Icelandair og töfðust vélar þess að jafnaði um sjö mínútur en ellefu mínútur hjá WOW air eins og sjá má á töflunni hér fyrir neðan.
Stundvísitölur seinni hluta desember 2012
| 16.-31.des. | Hlutfall brottfara á tíma | Meðalseinkun brottfara | Hlutfall koma á tíma | Meðalseinkun koma | Hlutfall ferða á tíma | Meðalseinkun alls | Fjöldi ferða |
| Icelandair | 77% | 7 mín | 59% | 7 mín | 68% | 7 mín | 452 |
| WOW air | 81% | 10 mín | 65% | 12 mín | 73% | 11 mín | 66 |
Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar frá öllum seinkunum. Flug sem tefjast um minna en stundarfjórðung teljast vera á áætlun.
Fylgstu með Túrista á Facebook
HÓTEL: Gerðu verðsamanburð á gistingu og bóðkaðu besta kostinn
TILBOÐ: 10% afsláttur á gistingu í London – Ókeypis morgunmatur í Kaupmannahöfn
Mynd: Gilderic/Creative Commons
