Samfélagsmiðlar

Ekki pláss fyrir hefðbundinn handfarangur

Það getur verið vandasamt að koma öllum töskunum fyrir í farangurshólfunum í farþegarýminu hjá Easy Jet. Forsvarsmenn félagsins takmarka því stærð taskanna enn frekar.

Það leggjast rúmar sex þúsund krónur ofan á fargjaldið hjá Easy Jet ef farþeginn innritar eina tösku. Þeir eru greinilega margir sem vilja komast hjá þessu aukagjaldi og taka því aðeins með sér handfarangur í ferðalagið. Afleiðingin er sú að það er ekki nóg pláss fyrir allar töskurnar í farangurshólfunum fyrir ofan sætin í vélum Easy Jet. Frá og með deginum í dag hafa forsvarsmenn félagsins því breytt reglunum sem gilda um stærð handfarangurs. Farþegar sem vilja vera alveg vissir um að taskan þeirra fái að vera inn í farangursrýminu verða hér eftir að passa að samanlögð lengd, breidd og hæð hennar sé ekki meira en 110 cm í stað 126 cm áður. Á heimasíðu félagsins kemur fram að þeir sem koma með stærri týpuna eigi ennþá möguleika á að fá að hafa hana hjá sér en aðeins þegar pláss leyfir. Annars verður hún send niður í töskugeymsluna en þá farþegunum að kostnaðarlausu.

Töskugjald algengt hér á landi

Líkt og kom fram hér á síðunni í vor þá rukka átta af þeim fimmtán flugfélögum sem fljúga hingað í sumar fyrir innritaðar töskur. Gjaldið nemur á bilinu 1500 til 3100 krónur. Í Evrópu og Bandaríkjunum hafa nokkur flugfélög takmarkað stærð handfarangursins enn frekar en Easy Jet gerir nú. Forsvarsmenn ungverska flugfélagsins Wizz Air krefja farþega sína um 10 evrur (1600 krónur) aukalega ef handfarangurinn sem ekki kemst undir flugstólana. Sú stefna varð til þess að þingmenn á Evrópuþinginu ætla að beita sér fyrir banni á þess háttar aukagjöld.

Easy Jet flýgur héðan til Edinborgar, London og Manchester.

Fylgstu með Túrista á Facebook

TILBOÐ: Viltu afslátt af gistingu, frían morgunmat eða ókeypis freyðivín upp á herbergi?
HÓTEL: Einföld leit að ódýrum hótelum út um allan heim

Mynd: Mynd: geishaboy500/Creative Commons

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …